عشان ياخدوا منه 20 جنيه .. مصرع شاب طعنًا بالسكين في قلبه بالشرقية| لايف بصراحة
من أمام محكمة جنايات الزقازيق بمحافظة الشرقية، أعربت أم الشاب حسن عن حزنها، قائلةً: حسبي الله ونعم الوكيل على اللي عمل كده في حسن، أنا عاوزه حق أبني، هو كان إنسان مكافح من بيته لشغله ومن شغله لبيته، وعمره في حياته ما مشي لا كده ولا كده.
و طالبت والدة حسن خلال لايف بصراحة الإخباري بحق أبنها؛ موضحةً: عشان مينكسرش قلب أي أم على ابنها، ويبقى عبرة لكل واحد يعمل كده زي ما عملوا في ابني، وأنا عاوزة العدالة تجيب حق أبني.
وأكدت الأم أن حسن ابنها يبلغ من العمر 17 عامًا فقط، قائلةً: لسه عريس وفي بداية حياته، مستنكرةً: يعني يموتوه ويقضوا عليه بأسلوب الإجرام ده، مطالبةً بمعاقبة هؤلاء المجرمين بالإعدام فورًا؛ حتى يكونوا عبرة لكل شخص يؤذي شخص محترم وخلوق مثل ابنها حسن.
والدة حسن تحكي تفاصيل الواقعة
وسردت لنا والدة حسن تفاصيل الواقعة، حيث قالت: حسن كان طالع بعد المغرب، وكان مصلي، ومتعشي معانا، ومكنش فيه أي حاجة خالص، وقال أنه طالع يجيب طلبات، وما بين المغرب والعشا قامت الأم بتلقي مكالمة هاتفية من الأشخاص، ليبلغوها موت أبنها حسن.
وتابعت: قالولنا تعالوا عشان حسن اتقتل، ولما سألنا مين قتله، قالوا منعرفش، وبعدين طلعنا على المستشفى اللي هو فيها، ولقيناه سايح في دمه، مستنكرةً: ليه كده! عمل أي عشان يحصله كده، دول ناس مجرمين، وحسن مكافح، وفيه كل الصفات الحلوة، وكل الناس بتشهدله بكده.
تفاصيل الواقعة
واستكمل زوج أخت حسن سرد تفاصيل الواقعة: حسن طلع في الشارع فطلع عليه اتنين، كانوا عاوزين ياخدوا منه 20 جنيه من باب البلطجة، فحسن مرضيش يديهم 20جنيه، ففضلوا يدوروا على حسن لمدة 15 يوم ويعرفوا فين مكانه وعايش فين، لحد لما عرفوا مكانه، و حسن لما سألته في ايه، قاللي ده هو واحد عطلع عليه وعاز ياخد مني 20 جنيه، و يا أديه الفلوس يا يموتني، واستكمل: المهم حسن راح حنة واحد صاحبه، والاتنين اللي بلطجوا عليه فضلوا يرنوا عليه كذا مرة لحد ما راحوا ليه، يعني في تعنت وتعمد لجريمتهم عشان ينزل يروح ليهم، والمهم راح ليهم و ساب صحابه اللي كانوا قاعدين معاه، وطلع معاهم، وبعد كده صحابوه طلعوه لاقوه سايح في دمه.
وأكد زوج شقيقة حسن بأنه لا يريد أن يشعر أحد بنفس الوجع الذي شعروا بيه على موت ابنهم حسن، متمنيًا أن يكون هناك قانونًا عادل شريف يأتي لهم بحقهم، كما أكد أن حسن قد قام المجرم الذي يدعى إبراهيم بالاعتداء عليه عن طريق طعنه بخنجر في القلب، حتى وصلت الطعنة إلى ظهره.
واكد زوج شقيقة حسن بأن المتهمان شقيقان، ولكن من قام بطعن حسن كان واحد منهما فقط
جوجل نيوز
واتس اب
جوجل نيوز
