المخرج عادل عوض يهاجم حنان ترك: خرابة بيوت.. احنا بنصنع أيقونة

تصدر هجوم المخرج عادل عوض على الفنانة المعتزلة حنان ترك، بسبب قرار اعتزالها التمثيل، تريند جوجل، وحديث وسائل التواصل الاجتماعي، محملًا لها المسئولية في ضياع المجهود الذي بذل في تحويلها إلى نجمة وأيقونة، على غرار سعاد حسني وفاتن حمامة.

المخرج عادل عوض يهاجم حنان ترك

وقال عادل عوض خلال حواره مع الإعلامية سارة نخلة في برنامج "آخر اليوم" المذاع عبر قناة "هي":زعلت من اعتزال حنان ترك، إحنا بنصنع نجمة، أنا بصنع حتة وبيستلمها مني مخرج آخر ومنتج آخر ومصور، ومذيعات بيستضيفوها، إحنا بنصنع نجم أيقونة زي سعاد حسني وفاتن حمامة، يجي النجم في لحظة يقول مش عايز، عارفة كام عامل مش هياكل علشان هي قررت متشتغلش”.

وأضاف: "لما كلنا نشتغل علشان نصنع نجم وييجي النجم في لحظة يقول مش عايز، تعرفي كام عامل وفني كاميرا ومهندس ديكور مش هياكل علشان هي قررت ماتشتغلش؟"

وردا على سؤال كيف كان يرى حنان ترك في بدايتها، قال عادل عوض: "كانت مهووسة بالشغل وباليرينا شاطرة جدا وشيطان رقص وحاجة نارية خطيرة جدا".

وتابع: "اللي بيعتزل بيفقد الناس وظائف، وإحنا بنعمل الفيلم على اسم النجم بعد ما نصنعه، والفيلم بيفتح بيوت آلاف، لما تقولي لأ متعرفيش خربتي كام بيت".