اليوم.. عزاء تامر ضيائي في مسجد الشرطة بالتجمع الخامس

استقبل أسرة الفنان الراحل تامر ضيائي اليوم، عزاء فقيدها، في مسجد الشرطة بالتجمع الخامس، بعد صلاة المغرب، الذي رحل عن عالمنا مساء يوم الأربعاء الماضي إثر دخوله في مشاجرة مع فرد الأمن في أحد المستشفيات التابعة بالمعهد القومي لأورام.

كتب محمد علي رزق منشور على حسابه الشخصي بموقع التواصل الاجتماعي تبادل الصور والفيديوهات الانستجرام،:«عزاء الفنان الراحل تامر ضيائي، يوم الإثنين المقبل بمسجد الشرطة بالتجمع الخامس،شهادة لوجه الله، أنا أعرف تامر ضيائي من 2004 من أيام فرقة عين الشمس، ودخلنا مركز الإبداع سوى في 2006 وفضلنا أصحاب لغاية ما ربنا استرد أمانته.. تامر ضيائي طول عمره إنسان محترم وعلى مدار 20 سنة عمري ما شفت تامر متعصب أو شخص متجاوز، إللي حصل مع تامر يوم وفاته شئ مهين خلاه ينفجر».

وتابع، «تامر بقاله 17 سنة بيراعي زوجته في مرضها عمرنا ما سمعنا عنه إنه عمل مشكلة وكان صابر وراضي بقضاء ربنا، فتامر لم يتجاوز الدور زي ماقالوا… بشهادة سوزان زوجته إنهم كانوا واخدين رقم 421 ولما جيه الرقم إللي قبلهم بدأوا يقربوا من الباب ولما وصل كان رقمه جيه الأمن منعه وقاله فيه ناس هتدخل الأول فتامر رفض إن حد يتجاوز دوره ومن هنا بدأت المشكلة».

واختتم على رزق حديثه بالقول، «تامر إنفجر علشان مراته التعبانه إللي قاعدة مستنية دورها علشان تاخد الجلسة فيلاقي الأمن بياخد فلوس علشان يدخل ناس قبل دورها تامر معملش حاجة غير إنه اتمسك بحقه ولما لاقى الراجل بيتعامل معاه بشكل مهين إنفجر، حسبي الله ونعم الوكيل، ربنا يرحمك يا تامر ويجعلك من أهل الجنة».