أشرف زكي يكشف دور النقابة في متابعة الحالة الصحية لزوجة الراحل تامر ضيائي

كشف الفنان أشرف زكي، نقيب المهن التمثيلية، عن دور النقابة لمساندة أسرة الفنان الراحل تامر ضيائي، الذي رحل عن عالمنا يوم الاربعاء الماضي اثر مشاجرة مع فرد أمن بمعهد الأورام.

قال أشرف زكي في مكالمة هاتفية مع برنامج «أنا وهو وهي»:«الموضوع مش مادي خالص لأن ده أسهل حاجة، لكن هو بالنسبة لها كان العكاز التي تسند عليه، فاحنا كلنا في خدمتها وتحت أمرها ومش هنسيبها كأن تامر موجود بالظبط».

من المقرر أن يقام عزاء الفنان تامر ضيائي يوم الاتنين، في مسجد الشرطة بالتجمع الخامس، 

تحدث الفنان محمد على رزق عن الفنان تامر ضيائي، من خلال حسابه الشخصي بموقع التواصل الاجتماعي تبادل الصور والفيديوهات الانستجرام، «شهادة لوجه الله، أنا أعرف تامر ضيائي من 2004 من أيام فرقة عين الشمس، ودخلنا مركز الإبداع سوى في 2006 وفضلنا أصحاب لغاية ما ربنا استرد أمانته.. تامر ضيائي طول عمره إنسان محترم وعلى مدار 20 سنة عمري ما شفت تامر متعصب أو شخص متجاوز، إللي حصل مع تامر يوم وفاته شئ مهين خلاه ينفجر».

وتابع، «تامر بقاله 17 سنة بيراعي زوجته في مرضها عمرنا ما سمعنا عنه إنه عمل مشكلة وكان صابر وراضي بقضاء ربنا، فتامر لم يتجاوز الدور زي ماقالوا… بشهادة سوزان زوجته إنهم كانوا واخدين رقم 421 ولما جيه الرقم إللي قبلهم بدأوا يقربوا من الباب ولما وصل كان رقمه جيه الأمن منعه وقاله فيه ناس هتدخل الأول فتامر رفض إن حد يتجاوز دوره ومن هنا بدأت المشكلة».

واختتم على رزق حديثه بالقول، «تامر إنفجر علشان مراته التعبانه إللي قاعدة مستنية دورها علشان تاخد الجلسة فيلاقي الأمن بياخد فلوس علشان يدخل ناس قبل دورها تامر معملش حاجة غير إنه اتمسك بحقه ولما لاقى الراجل بيتعامل معاه بشكل مهين إنفجر، حسبي الله ونعم الوكيل، ربنا يرحمك يا تامر ويجعلك من أهل الجنة».