أحمد فهمي يكشف مواصفات شريكة حياته بعد الانفصال

كشف الفنان أحمد فهميـ عن مواصفات شريكة حياته بعد الانفصال، موضحًا أنه يريد أن تكون شريكة حياته المستقبلية، تُشبه الفنانة أسماء جلال وأن تكون ذكية وتعرف كيف تتعامل معه ، قائلًا: «تكون شكلها حلو وأسماء جلال ذوقي في البنات كشكل.. تكون نغشة وبتضحكني كتير لأن ممكن أستغنى عن أي حاجه إلا الضحك.. تكون ذكية وتعرف تتعامل معايا لأن ممكن أتعود على شكلها عادي». 

ابرز تصريحات أحمد فهمي

جاء ذلك خلال برنامج جوسيبس، الذي يذاع عبر مواقع التواصل الاجتماعي المختلفة، وأثناء الحلقة تحدث أحمد فهمي عن الكثير من الأمور التي تخص حياته الفنية والشخصية، إذ حل «فهمي» ضيفا عليه في حلقة  يبرز التقرير التالي، أهم ما جاء فيها كالتالي: 

- أسماء جلال ذوقي في البنات كـ شكل.

- هشام ماجد ألماني جدا يعني لو في مخه أن النهاردة ينام الساعة 11 ولو القعدة بتضحك جدا يالا أنام دلوقتي حالا، مواعيده مظبوطة جدًا.

- جدي 17 واحدة بعد ما تيتا أتوفت وكان في الخمسينات.. فأنا لسه عندي وقت

- لو عندنا تصوير 6 الصبح في الفرنجة، بيصحوني أنا وشيكو بالترزيع على البيبان، وهشام 6 الا خمسة قاعد تحت زي الألمان بيفطر في المطعم.

- روبي على الله خالص نفسيتها فلة.. صعب أتجوز أكتر من واحدة في نفس الوقت. 

- روبي على الله خالص، وهي حد تاني خالص غير اللي على الشاشة، في حالها جدا ونفسيتها فلة وهي من أحسن الناس اللي اشتغلت معاها. 

- لبلبة مش بتشوفني غير لما تشتكيلي من حاجة وتحس أنها طفلة عندها 6 سنين. 

- أكرم حسني خطر جدا أنا وهو نتساب في مكان مع بعض عشان بنعمل مشاكل سوا كبيرة. 

 تفاصيل طلاق أحمد فهمي من هنا الزاهد 

وسبق وأن كشفت هنا الزاهد عن تفاصيل طلاقها من أحمد فهمي خلال لقاء لها ببرنامج صاحبة السعادة، فقالت: مكنتش اتخيل ان في حاجة اسمها طلاق، ربنا عارف اني مقدرش اتحملها جبهالي تمهيديا قبلها بـ 8 شهور لو كان حصل مرة واحده كنت هتعب اوي، أنا حساسة اوي و روتينية مبعرفش حاجة تتغير فجأة، بحس إني ساذجة أوي لازم اتخبط جامد عشان اختار وأركز بعد كده، رسمت في دماغي فراشات وعائلة وبحب الأطفال جدًا لكن الواقع مكنش كده خالص كان عكس كل حاجه بحلم بيها والحياة مش كلها حلوة ومش اي حد تأمنيله أوي وتدخليه بيتك، دايما بتخيل اللي قدامي هيفكر زيي لحد ما يثبت العكس، الجواز مش راجل وست بس اتعلمت اني لازم ابص للعائلة، أنا بعد الطلاق كانت أصعب فترة عليا لكن منزلتش دمعة، وروحت قعدت مع أهلي عشان مكونش لوحدي ومكنتش بفكر ودايمًا راضية بأقدار ربنا وعارفة إنه في النهاية نصيب.