مي كساب: حسيت أن شيماء سيف تعبانة وعايشة معاناة في التصوير ..أقنعتها تعمل عملية

تحدثت الفنانة مي كساب عن سبب إقناعها للفنانة شيماء سيف للخضوع لعملية تكميم معدة، مشيرة إلى أنها رأت معاناتها خلال التصوير، ولحبها الشديد لها أقنعتها خاصة بعد خضوعها هي للعملية.

قالت مي كساب في لقاء مع الإعلامية فاطمة مصطفي، في برنامج «الراديو بيضحك»:«لما روحت لـ شيماء سيف  في المسلسل ألف حمد لله على السلامة ضيفة شرف، وإحنا بنعمل أحد المشاهد، شفتها مش مرتاحة قلت لها مالك قالت لي رجلي تعباني، ووصلت لوزن أكتر من لما كنا في بنصور مسلسل أحلام سعيدة».

وأضافت مي كساب:«أنا كنت خايفة من العملية جدًا والموضوع ده مكانش سهل بالنسبة لي أني آخد قرار كبير زي ده، ولما خدته وشفت العواقب بتاعته وأني ما حصليش حاجة وأني مرتاحة أقنعت شيماء سيف».

وواصلت مي كساب،في حديثها عن الآثار الجانبية للعملية:«في آثار جانبية للعملية، ولكن بالنسبة للآثار الجانبية بتاعة التخن ولا حاجة، الشعر بيقع ماشي والجسم بيحتاج شوية فيتامين، العملية بتهذبك غذائيا وبتكون عارف أنت رايح تاكل ايه الأكل بيكون قدامي أنا بروح للمفيد، مش بجري ورا المكرونة والعيش، لأني عارفة إن وجبتي قلت».

وأشارت إلى إنها طمأنت شيماء سيف بكل الطرق وحكت لها تجربتها مع العملية، ورشحت لها الطبيب الذي تابعت حالتها معه، قائلة: قلت لها ما تخافيش وأنا هفضل معاكي، وحكيت لها كل اللي حصلت لي من وقت ما عملت العملية والعملية مفيهاش خطورة ولا حاجة، ورشحت لها نفس الدكتور وقلت لها لازم تعملي كده علشان صحتك.