بسبب فيلم النونو.. عمرو أديب يدافع عن أحمد حلمي: لجان مدسوسة وعايزاها مولعة

 دافع الإعلامي عمرو أديب عن الفنان أحمد حلمي، بعد الانتقادات التي تعرض لها بسبب فيلم النونو الذي يستعد لتجسيد دور البطولة به.

ونشر الإعلامي عمرو أديب فيديو عبر موقع التدوينات القصيرة “إكس”، قال فيه: الدنيا تبان انها مقلوبه بسبب فيلم النونو بطولة الفنان احمد حلمي وفي لجان مخصوصه، مدسوسه هي اللي شغاله علي الموضوع ده وتصدر إنها إهانه للشعب المصري وسمعة مصر، وطبعا في ناس اللي هما ولاد الحلال اللي عايزين يقفوا جنب البلد، وينقذوا البلد ويدافعوا عن كرامتها.  

وتابع: انا عايز اسأل سؤال هو احمد حلمي ده مش أبن مصر ، احمد حلمي ده موجود من زمان، وعمل مليون فيلم فاجئه كده تقرروا انه باع بلده علشان شويه فلوس، انتوا متعرفوش مين احمد حلمي ،احمد حلمي ده هو اللي عمل عسل اسود واعمال مختلفه وكان وقتها برضو احمد حلمي، بس في ناس طبعا من مصلحتها تكون الدنيا بايظه مهما الدنيا هديت. 

عمرو أديب يدافع عن أحمد حلمي 

وأضاف:دور النصاب في الفن المصري والسينما المصرية موجود منذ زمن، كما أنه بداخل هذا الفيلم سيوجد نصاب سعودي، وكل شعوب العالم يوجد بها نصابون. 

واسترسل: انت طالع تهاجم قبل ماتشوف الفيلم وقبل ما تقرر وقبل ما تعرف ايه الحكايه والروايه، الموضوع لسه بيتكتب وبيتظبط طيب ما فيلم اولاد رزق كان في الجزء الاول نصابين أشمعنا بقي ده.

واختتم : يا جماعه ده احمد حلمي بس في ناس الحبكه الدراميه مش عجباها شوفوا الاول وقرروا ،كفايه بقي خليتوها خل ارحمونا.