آمنوا ليه في غربتهم وغدر بيهم.. محامي أحد المجني عليهم يكشف تفاصيل الواقعة | لايف بصراحة

قال محامي أحد المجني عليهم، من ضمن3 المصريين المقيمين بقطر: ده مبلط سيراميك، مش بتاع شغل، بيدور على أي حاجة يسرقها، مبينًا لتفاصيل الواقعة: هو قعد معاهم أكل وشرب، وكان بيتسول من الناس الضيوف، ولكن هم طبعًا قالوا ليه خد اللي أنت عاوزه مننا ومتسألش حد في فلوس، ولما طلب منهم أنه يروح بعد ما قعد 23، او 24 يوم معاهم، حجزوا ليه تذكرة 1,200 ريال على حسابهم، وهما مكنوش مخونينه، وهو خطط للسرقة والقتل. 

سفاح مصر في قطر .. اللي تآمن له يخونك

وتابع: و كلهم كانوا في رمضان راجعين من بره، اللي جاي من عند ناس، واللي جاي من الشغل، ودخلوا ناموا من الساعة 9 لحد 11 ونص، ودخل يسرق فحسوا بيه، وهما قاموا من النوم مكانوش فايقين والدنيا صيام، ولما عرفوا أنه هو الحرامي، قالوله طب أمشي، وممشيش وجاب السكينة، وقتل الاتنين، وانهال عليهم في نفس الوقت، والشخص الثالث كان بره رن عليه بيطمن مشي ولا لسه فقاله لسه، ولما قابله أصابه بعدة طعنات في رقبته، وهذا الكلام وفقًا لما أقره القاتل من فعل بحسب أقواله. 

إحالة أوراق المتهم بقتل 3 مصريين في قطر للمفتي

ومن جانبه قررت محكمة جنايات القاهرة المنعقدة بمجمع محاكم العباسية، منذ قليل، إحالة أوراق المتهم بقتل 3 مصريين في قطر للمفتي .

وشهدت جلسة اليوم الإثنين، مرافعة النيابة العامة ومرافعة دفاع المتهم بقتل 3 شباب مصريين فى دولة قطر، حيث أكد إن موكله يعيش بِكلية واحدة تعمل بـ 30% فقط ولا يستطيع ارتكاب الواقعة، وذلك خلال مرافعته أمام الدائرة 10 بمحكمة جنايات القاهرة المنعقدة بمجمع محاكم العباسية، مطالباً ببراءة المتهم من الإتهامات الموجهة إليه.
و تعقد الجلسة برئاسة المستشار صبحي صبحي عبد المجيد، وعضوية المستشارين معتز علي صديق ومحمد عبد الحميد عبد الجواد، وأمانة سر محمد عطية وجورج ماهر.