امتحان التفسير كان سهل وختامه مسك.. فرحة بين طلاب الأزهر بمحافظة البحيرة | لايف بصراحة

أعرب طلاب الثانوية العامة الأزهرية بأحد معاهد البنين الأزهرية بمحافظة البحيرة عن سعادتهم وفرحتهم لمجئ امتحان التفسير غاية في السهولة.

و قال أحد الطلاب: الامتحان كان سهل، وكلنا مذاكرين الحمد لله وحلينا كويس، متابعًا: الامتحان كان 6 اسألة أو 5 ، بس مش فاكر أنا حليت وخلاص، و آخر يوم كان كويس ومسك الختام الحمد لله. 

سهولة امتحان التفسير .. وفرحة بين الطلاب

وأكد طالب آخر عل مجيء الامتحان في غاية السهولة والجمال، إضافةً إلى اللجان جاءت هادئة، والمراقبين كانوا متعاونين، قائلًا: آخر يوم كان ختامه مسك الحمد لله، مضيفًا: احنا طلعنا من بدري النهاردة عشان الامتحان سهل خالص، مؤكدًا أن عدد اسألة الامتحان 5 فقط، و جائت جميع الاسئلة المقالية والاختيارية سهلة.  

امتحان التفسير يعكس توقعات طلاب البحيرة

كما أعرب طالب آخر عن فرحته من سهولة امتحان التفسير، حيث كان معتقدًا أن مادة التفسير ستأتي صعبة، ولكن جاءت غاية في السهولة. 

وأكد طالب آخر ولكن بشكل كوميدي و طريف عن صعوبة الامتحان: والله الامتحان صعب خالص وكان فيه عيل في اللجنة قال الغش حرام والامتحان زفت زفت

الامتحان مش سهل ولا صعب .. مبسوطين عشان ده آخر امتحان لينا

و من جانب آخر صرحت الطالبة من أحد المعاهد الأزهرية بمحافظة الدقهلية عقب انتهائها من  امتحان مادة التفسير عن مدى صعوبة وسهولة الامتحان، قائلةً: النهاردة خارجين مبسوطين مش عشان مادة التفسير سهلة لا خارجين مبسوطين عشان ده آخر امتحان لينا. 

وأكدت أن امتحانات الأزهر هذا العام جاءت غريبة من نوعها لأول مرة؛ موضحةً: امتحانات الأزهر أول مرة تيجي بنظام التربية والتعليم، كما أكدت على كثرة الاسألة في امتحان التاريخ؛ قائلةً: كل سؤال فيه أ،ب، وسؤال أ لوحده في 6 نقاط، و 4/3 الامتحان عبارة عن اختياري والربع الأخير من الامتحان مقالي، واسألة المقالي جت بنظام التربية والتعليم وكانت لفة ومش سهلة، و  الامتحانات جاية بنظام التربية والتعليم طول السنة بنذاكر حاجة وجالنا في الآخر حاجة تانية.