وجيه عزام رئيس اتحاد الدراجات يعلن عبر «بصراحة»: سنصلح بين شهد سعيد وجنة عليوة خلال الأسبوع المقبل

أعلن الاتحاد المصري للدراجات برئاسة الدكتور وجيه عزام مشاركة شهد سعيد لاعبة المنتخب في أولمبياد باريس 2024 وذلك بعد المطالبات باستبعادها بسبب الأزمة التي حدثت في أبريل الماضي مع زميلتها جنة عليوة.

وقال وجيه عزام رئيس الاتحاد في تصريحات خاصة لموقع بصراحة: « قرار مشاركة شهد سعيد في أولمبياد باريس

جاء بإجماع المجلس وطبقًا للوائح كما أن شهد سعيد ستسافر إلى باريس وتمثل مصر في الأولمبياد لأن مصلحة مصر أهم من أي شيء».

وأشار وجيه عزام إلى أن مشاركة شهد سعيد لاتعارض تطبيق الأخلاقيات ولكن، لا يمكننا من الأساس الانسحاب في الوقت الحالي قبل أيام قليلة من البطولة بسبب إدراج اسمها بالاتحادين الدولي والإفريقي.

وواصل رئيس اتحاد الدراجات قائلا: « عندما حدثت الواقعة تحركنا وتمت معاقبة اللاعبة وفقًا للائحة وزارة الشباب والرياضة، ولائحة الوزارة تنص على عقوبات واضحة في مثل هذه الحالات، لكن البعض يريد منا قطع رقبة اللاعبة وتدمير مستقبلها».

وأضاف «إذا كانت هناك لائحة بعقوبة قطع اليد للمخطيء هل أقوم بقطع العنق؟.. وغياب شهد عن الأولمبياد سيتسبب في ضرر للاتحاد المصري».

وأكمل: "لا يصح أن يتأثر متخذ القرار بأهواء الناس، وهناك مجموعة من الحاقدين يريدون الإضرار بمصلحة مصر ويتصيدون الأخطاء للجميع، والاتحاد يفكر دائمًا في المصلحة العامة للعبة وكذلك مصلحة اللاعبين ولا يجب تدمير مستقبل لاعبة بسبب خطأ ارتكبته".

واختتم عزام تصريحاته «نسير حاليا في إجراءات الصلح بين اللاعبين لأنهن بمثابة بنتانا، ومثل هذه الحوادث تحدث أحيانا في سباق الدراجات لكن دون تعمد».

وتنطلق أولمبياد باريس في 26 يوليو الجاري وحتى 11 أغسطس.

وتشارك مصر بالبعثة الأكبر في تاريخها والمكونة من 149 لاعبا ولاعبة بجانب 16 لاعبا احتياطيا.

بداية أزمة شهد سعيد وجنة عليوة

الأزمة بدأت في أبريل الماضي خلال منافسات بطولة الجمهورية حيث دفعت شهد سعيد زميلتها جنة عليوة في الأمتار الأخيرة قبل نهاية السباق لتحصل على المركز الثالث وتصاب زميلتها بإصابات بالغة، وبعد التقدم بشكوى ضدها قرر الاتحاد إيقاف شهد سعيد سنة من المشاركة المحلية وتغريمها 5 آلاف جنيه.

وبعد هذه الواقعة، ظهرت شهد سعيد لاعبة المنتخب المصري للدراجات، ضمن صور البعثة الرسمية المصرية المقرر مشاركتها في أولمبياد باريس القادمة.

ومن المقرر أن تبدأ أولمبياد باريس في الفترة بين 26 من الشهر الجاري، وحتى 11 من شهر أغسطس.

هجوم حبيبة عليوة

بعد هذا الحادث، خرجت حبيبة عليوة الشقيقة الكبرى لجنة، لتقدم بلاغا للنائب العام ووزارة الشباب والرياضة تتهم فيه شهد سعيد بمحاولة القتل العمد، ما أدى لاحتجازها وعرضها على النيابة العامة، التي بدورها أخلت سبيلها لاحقًا.

وكتبت حبيبة عليوة عبر حسابها الشخصي على موقع التواصل الاجتماعي "انستجرام": "متأهلة إلى أولمبياد باريس تحاول قتل لاعبة في سباق الجمهورية عن قصد؟ كل الناس المتابعة الدرجات عارفة يعني اية النادي المعتاد يكسب في البنات يخسر كأس البطولة؟، كل الناس عارفة إن أي حد بيحاول يظهر جديد (يبطل - يتشطب) لكن نحاول نموته عشان نكسب الكاس ونتيجة الفرق دي جديدة".

وأضافت: "بعد الخسارة في فردي ضد الساعة وفرق ضد الساعة والتشكيك في قدرات لاعبة دولية كانت في المنتخب و(اتقال ان في ماتور في العجلة ) مش إن ممكن يكون في مكسب وخسارة عادي و إن الفرق أصلا 16 ثانية؟ حكام البطولة كلها كانو بيفكو العجلة عشان يشوفو (الماتور)، ونفس الحكام سابو جنة على الأرض و عربية الإسعاف مفيش فيها مسعف؟، ومحدش عملها من باب الواجب يتصل يعبرنا يشوف حصل فيها اية؟ شهد هربت بعد البطولة والظابط طلبها وقال شهد هربت وتيجي حالا قالو بتغير و مع العلم جت بنفس اللبس بتاعها عادي وخافو عشان الظابط شاف إن هي إنسانة مش طبيعية وإن دا غل وإنها معندهاش أخلاق رياضية ولا تصلح تمثل مصر في بطولة".

وتابعت: "الطبيعي كانت تيجي تشوف منافستها بعد ما وقعتها بس دا يبين انها كانت متعمدة إن دا يحصل ما هيخسر اكتوبر ازاي و هما اتنين قدام؟ نقطعها مش هنعرف نوقعها أو نموتها الاقرب وخلاص كدا كدا هنهددهم و دا الي حصل، جنة جالها كسر في الكتف بتعالج في أكثر من 45 علي الاقل و فقدان مؤقت في الذاكرة و كدمات في جسمها كلة و تشنجات؟ جنة بتموت من الوجع في مستشفي مخدتش فيها مسكن إلى الساعة 8 لحد ما شهد شرفت على القسم".

وأوضحت: "شهد في القسم بتضحك و مش فارق معاها ان في واحدة كانت هتموت وكانت (بتتوج) عشان هي عملت المطلوب ان نادي اكتوبر ميتحسبش لية ميدالية فرق، شهد كانت بتضحك في القسم و الظابط قالها هو انت ازاي مش خايفة؟، شهد بصحتها وجنة ولا احنا عارفين ننام، شهد هتطلع من النيابة علي رجليها بتضحك و جنة بنشلها عشان مش قادرة تقف، شهد منزلش منها دمعة واحدة حتي خوف من وجدها في قسم او خوف علي البنت؟".

وأتمت: "وبس كل الناس حكام مدربين منظمين ينامو عادي و محدش حاسس حاجة و كمان كام شهر نطلع نقول بطلة اولمبياد".

رد شهد سعيد

ومن جانبها ردت شهد سعيد عبر "ستوري انستجرام" بإعادة نشرها لأحد المنشورات: "قتل إيه يا جدعان، أنا بوقف الفيديو علشان كله ياخد باله من العجلة بتاعة شهد، ركزوا انتوا لو ناس فاهمة عَجَل (دراجات) هتعرفوا إن واحدة زي شهد دي لاعبة سبرنت".

وأضافت في المنشور: "ركزوا في الفيديو هتلاقوا إن شهد كانت هتقع أصلًا، العجلة (الدراجة) مالت منها جامد ودا طبيعي بسبب المجهود اللي هي عاملاه، وكلنا بنتعرّض لنفس الموقف.. كلنا بندوخ وفي ناس مننا بيغمى عليها، كمان هي كانت هتقع وده غصب عنها، عشان كدة خبطت في زميلتها".

وأكملت في المنشور: "هي لو قاصدة تعمل كدا كانت هتكمل بعد ما وقعتها، إنما هي وقفت على رجليها وبعدين لو على المكسب، دا أصلا مش تخصص شهد يعني مش هتستفاد من البطولة دي كلها بأي حاجة ولا حتى هتاخد نقط، وهي كدا كدا اتأهلت للأولمبياد".

واختتمت في المنشور: "هي وزميلتها مفيش معاملة بينهم أصلًا ولا بالحلوة ولا الوحشة، وبعدين من إمتى والسياسة بتدخل في الرياضة؟ يعني اللي بيمارس رياضة لازم يكون قد إصاباتها.. وتقريبًا كل لاعيبة مصر جالهم إصابات ومحدش اتكلم ولا حد قال حاجة علشان دي رياضة والمفروض أنا خايف على نفسي يبقى ملعبش أحسن وخليني في البيت".