رعشة وضيق تنفس.. المخرج عمرو سلامة يحكي تجربته مع لقاح أسترازينيكا

كشف المخرج عمرو سلامة، الأعراض الجانبية التي تعرض لها بعد حصوله على الجرعة الأولى من لقاح أسترازينيكا المضاد لفيروس كورونا المستجد، بـ5 أيام.

وقال سلامة، خلال منشور عبر حسابه الرسمي بموقع التواصل الاجتماعي "فيسبوك": "بعد التطعيم بعقار أسترازينيكا بخمسة أيام، حرارة، رعشة، صداع، إرهاق عام، كل ده بشكل شديد جدا لحوالي 3 أيام، بعدها بقيت كويس باستثناء شوية دوخة وإرهاق وضيق تنفس بس بشكل أبسط".

أوضح: "كل ده علامات إيجابية بتقول إن الجسم مناعته بتحارب وبتتعلم تقاوم الفيروس الحمد لله، في المجمل لو ده ثمن إن الواحد يكون في أمان بشكل كبير وإنه يساعد في القضاء على الكابوس بشكل أسرع فأنا شايف إنه ثمن مش غالي خالص".

اقرأ أيضا:الصحة: لقاح كورونا آمن وفعال ويحفز جهاز المناعة لمواجهة الفيروس

وأضاف: "مع العلم إن كل اللي اعرفهم واتطعموا يا إما جالهم أعراض مشابهة أو أعراض أقل وفي ماجلهمش أعراض خالص خصوصا كبار السن، برشح لكل الناس تدخل على موقع وزارة الصحة وتسجل، أنا عملت كده واستنيت دوري لحد ما جه، دون واسطة أو تسريع، اخترت بس مكان تطعيم عليه ضغط أقل، والموضوع ماخدش أكثر من ساعة مستني دوري وأول ما دخلت ربع ساعة ومشيت".

ووجه التحية للأطقم الطبية قائلًا: "تحية لكل الدكاترة والأطقم الطبية اللي على الجبهة في الحرب اللعينة ديه".

واختتم: "روح إتطعم، هتحس بأمان وتقلل عدد الناس اللي ممكن تعديهم من غير ما تحس، لحد دلوقتي في ناس بتموت كل يوم.. بالتوفيق".