محافظ الدقهلية الجديد يضع قوانين صارمة: اللي هيشتغل أهلا وسهلًا واللي مش هيشتغل في مليون غيره عايز يشتغل

وصل اللواء طارق مرزوق، محافظ الدقهلية الجديد لديوان عام المحافظة؛ لاستلام مهام وظيفته ومباشرة عمله، وذلك بعد أدائه اليمين الدستورية، الأربعاء الماضي، ضمن حركة المحافظين الجديدة 2024.

وأكد محافظ الدقهلية،  على أن العمل الجماعي هو أساس النجاح، وجميع الملفات لها أولوية لديه، خاصةً ملف النظافة ومراقبة الأسعار وجودة الخبز، مؤكدًا أنه سيكون متواجدًا مع المواطنين في الشارع، لتقييم مستوى أداء المسؤولين على أرض الواقع.

وأضاف المحافظ، أنه سيقابل كافة الموظفين بالمحافظة، وسيشن حملات مراقبة عليهم بشكل مفاجئ، قائلًا: هيلاقوني واقف في الصف وهما ميعرفونيش، وراكب تاكسي أو عربية، علشان أشوف مستوى الأداء، وأنا عندي مبدأ الثواب والعقاب.

وأوضح أن الرئيس وجه المحافظين الجدد باستغلال القوة البشرية والعقول المنتجة، وتعظيم دور العناصر البشرية، مشيرًا إلى أن أهم ملفاته هو المواطن المصري، وأن يشعر بوجود تغيير.

وتابع المحافظ قائلًا: اللي هيشتغل أهلا وسهلًا، واللي مش هيشتغل في مليون غيره عايز يشتغل، النظافة من الأولويات، النهاردة وأنا داخل لقيت عربيات النظافة والرش في الشوارع، ودا هصدقه لما أشوفوا كل يوم، وفي كلام كتير سمعته عن أداء المسؤولين، انا مبسمعش كلام حد، أنا عندي قدرات تكشف الموظف المميز من غير المميز، وأنا مبحبش البروباجندا، وبأكد على مبدأ الكفاءة.