لقاء سويدان بعد ظهورها بفستان زفاف:«فجأة لاقيت نفسي تريند.. التعليقات الجمهور فتحت نفسي على الجواز»|خاص

تحدثت الفنانة لقاء سويدان عن سيشن ظهورها بفستان زفاف، مشيرة، أنها لم تفكر في تصدرها التريند 

قالت لقاء سويدان في لقاء مع موقع «بصراحة الأخباري»:« كان عندي تكريم في إسكندرية، أنا ومجموعة من الفنانين، في نفس الوقت قولت أعمل سيشن على البحر، كلمت مصمة ازياء قولتلها عايزة فستان على شكل عروسة البحر، عملته أبيض».

تابعت:«فجأة لاقيت حد من صحابي بيكلمني ويقولي انتي تريند، قولتله تريند ازاي، والناس خدت الموضوع جد، ولا كأني بنت خالتهم وعايزين يخلصوا منها،  التعليقات كلها فرحتني اوي، وفتحت نفسي على الجواز».

أضافت لقاء:« عمري م سعيت لتريند، على عكس ناس تانية كتير بتسعي علشان تطلع تريند وتعمل المستحيل».

أما عن مشاركتها في مسلسل «الوصفة السحرية»قالت:«كنت قلقانة من الجمهور لان الشخصية جرئية من حيث اللبس والشكل، بس الحمد الله عجبته، الكواليس كانت من أحلي الكواليس بالنسبة ليا، كلنا بنحب بعض، مفيش غيرة بينا خالص».

أبطال مسلسل «الوصفة السحرية»

في سياق آخر يعرض حاليا لـ لقاء سويدان مسلسل «الوصفة السحرية» بطولة شيرى عادل، إسلام جمال، هيدى كرم، عمر الشناوى، بسمة داود، لقاء سويدان، شريف البردويلي ، رانيا منصور، كارولين عزمى، محمد أبوداود، هالة فاخر، سلوى عثمان، سلوى محمد على، عماد رشاد، والعمل تأليف ورشة مصنع الحكايات لمؤسسها هانى سرحان، إشراف على الكتابة دعاء عبدالوهاب، فكرة مى سعيد، سيناريو وحوار منة فوزى وإيرين يوسف ومي سعيد، وإخراج خيرى سالم.