لوسي: السينما شوهت صورة الراقصة.. وأخدت شهادات أحسن سفير لبلدي في الأخلاق
![لوسي لوسي](https://media.besraha.com/2023/8/large/7/9/301.jpg)
حلت الفنانة لوسي ضيفة على أحد البرامج التليفزيونية، وكشفت خلال حوارها العديد من الأسرار عن مسيرتها الفنية، وكشفت عن رأيها في الشائعات التي أثيرت مؤخرا حول تحريم الفن.
نستعرض لكم في هذا التقرير أبرز تصريحات لوسي التلفزيونية:
-أخدت شهادات أحسن سفير لبلدي في الأخلاق والاحترام.
-أجريت 3 عمليات قسطرة في القلب بسبب الدخان.
-لقب راقصة ظلمني كممثلة وإنسانة في المجتمع.. والناس بيبصوا للراقص سواء أكان باليه أو الشعبي بصة مش في مكانها.
- أنا اللي سبت الرقص مش هو اللي سابني، ولما دخلت معهد الباليه مكنتش عارفة إني بحب الفن والرقص كدة.
-مكنتش ملتزمة في الصلاة ودعيت لـ ربنا وقُلت يارب أنا عايزة ألتزم وأصلي الفجر حاضر.
-وفي يوم وأنا نايمة حسيت ببنوته صغننه بتقولي أنتي عايزه تصلي الفجر؟ قومي صلي، ومن ساعتها وأنا ملتزمة.
-السينما شوهت صورة الراقصة وطلعتها في صورة خطافة رجالة.
-الحرام بيكون في الضلمة زي الزنا والقتل والسرقة والاغتصاب، لكن الحلال دايما في النور والرقص مش في أوض النوم.
-الكباريه كلمة فرنساوي بعد الساعة 12.. والسينما المصرية هي اللي صورت للناس أن الكباريه حاجة مش حلوة.
أعمال لوسي
يذكر أن لوسي شاركت في رمضان 2022 من خلال مسلسل انحراف، بطولة روجينا تأليف مصطفى شهيب وإخراج رؤوف عبدالعزيز وشارك فيه كل من: سميحة أيوب، أحمد صفوت، محمد لطفي، أحمد فؤاد سليم وآخرين.
وكان من المفترض أن تشارك في موسم رمضان 2024 بمسلسل جديد إلا أنها اعتذرت عنه، وشاركت مؤخرًا في مسرحية الحفيد، التي عرضت في عام 2022 وشارك فيه تامر فرج، عبد الباري سعد، عابد عناني، رنا خطا وآخرون.