خاص| مثال للشرف والأمانة.. "عم محمد" ابن بني سويف يعيد 2 مليون جنيه لصاحبها .. ويؤكد: ربنا يغنيني بالحلال

محمد عبد العظيم فراج أبن محافظة بني سويف مركز سمسطا؛ وهو مثال للنُبل والشرف والأمانة؛ في زمن قلت فيه الأمانة و أنعدم فيه الضمير؛ وقرر أختيار الحلال وترك الحرام رغم إغرائه بعثوره على مبلغ مالي كبير في ظل تلك الظروف العثيرة؛  فقال: ربنا يغنيني بالحلال.

و عقب عثوره على حقيبة بها مبلغ بقيمة قدرها 2 مليون جنيه و تسليمهم إلى أصحابها، ورفضه الحصول على أي مقابل أو أي مكافأة من أصحاب الحقيبة.

 يروي محمد أحمد عبد العظيم فراج؛ ابن مركز سمسطا بمحافظة بني سويف في لايف خاص لموقع “بصراحة” الإخباري تفاصيل عثوره على حقيبة الأموال وردها إلى أصحابها. 

وقال محمد خلال تصريحات خاصة لبصراحة حول تفاصيل الواقعة:  إن الواقعة كانت أول أمبارح، وكنت رايح عند الدكتور لأبني وبعدها روحت اجبله علاج، وركبت توك توك عشان يوصلني لحد الموقف؛ وكان فيه ثلاث ستات راكبين التوك توك وبعد ما نزلوا منه روحت أركب وحطيت شنطة العلاج جنبي؛ ولما وقع من كيس العلاج علبة الدواء نزلت أجيبها فلاقيت شنطة الفلوس دي تحت الكرسي في التوكتوك.

واستكمل خلال تصريحاته لموقع “ بصراحة ” الإخباري: وأخذت الشنطة وديتها لسوبر ماركت بيبيع ألبان؛ وصاحبه راجل أمين أعرفه كويس اديتله الشنطة يصورها بموبايله؛ لان مكنش معايا موبايل وقتها؛ وطلبت منه ينزلها على الصفحة الخاصة بمركز سمسطا عشان نلاقي صحاب الشنطة؛ وفي نفس الوقت كان الراجل بيدور على شنطته؛ ولما عرف ان الشنطة عندي فقد وعيه؛ لأنه مكنش مصدق أن مبلغ زي ده هيرجعله تاني؛ والراجل كان عاوز يبوس أيدي ودماغي؛ ورجلي عشان مش مصدق أن الفلوس رجعتله، وأنا رفضت أنه يعمل كده؛ لأن ده شقى عمره بعد ما رجع من السفر؛ وعرفت أن أغلب الفلوس دي أمانات لناس تانيه غيره.