الليلة بمليون جنيه.. مفيدة شيحة تشتكي من الساحل الشرير: كفاية منظرة

انتقدت الإعلامية مفيدة شيحة، ارتفاع أسعار المصيف في الساحل الشمالي لأرقام فلكية، إذ تصل إلى نحو مليون جنيه في الليلة الواحدة ببعض الأماكن.

وقالت الإعلامية مفيدة شيحة، مقدمة برنامج «الستات»، عبر قناة «النهار»: «محدش بيضرب على إيده، مش لازم تروح تصيف في الساحل، الساحل أسعاره غالية، الحل هو الالتزام باللي نقدر نعمله».

مفيدة شيحة تشتكي أسعار الساحل الشرير

وأضافت: «الناس دي لما تعرف إن إحنا مش ماشيين وراهم، وهما اللي ماشيين ورانا، هنقدر نظبط أسعار الساحل».

وتابعت: «بلاش نسمح إن يكون فيه ساحل شرير، إحنا اللي بنشجع على القصة لو قبلنا، القصة فيه مبالغة، إحنا اللي بنشجع هذه المبالغات الكبيرة».

وأكملت:«لازم نرفض ده، ونرفض كل الأسعار اللي غالية هناك، وناخد حاجتنا من الأماكن اللي إحنا رايحين منها».

وأوضحت شيحة، أن هناك فئة تمتلك عندها إمكانيات مادية وفيرة، متابعة: «مش هقول الساحل الشهير، بس الفئة دي عندهم مشكلة كبيرة جدا وهي الأرننة، كفاية منظرة، احمونا، عايز تضيع فلوسك انت حر، بس إحنا مالنا».