إبراهيم فايق يعلن عن أكبر توك شو رياضي الليلة بـ«القهوة مع فايق»

أعلن الإعلامي إبراهيم فايق عن أكبر توك شو رياضي اللية من برنامج الكورة مع فايق على قناة mbc مصر 2 الساعة الـ 11 مساءا 

وأعلن إبراهيم فايق استضافة كل من :

رضا عبدالعال - محمود أبوالدهب - محمد عبدالجليل - أحمد عفيفي - أحمد عز - محمد عمارة 

وأعلن إبراهيم فايق عبر صفحته الرسمية عبر مواقع التواصل الإجتماعي فيس بوك : 

عارف انت قعدة القهوه بالليل؟! يوم الجمعه والدنيا مريحة 
قعدة الصحاب اللي متتعوضش والكلام في الكورة والماتشات واللاعيبه والمدربين.. القعدة اللي عمرها ما تحلى غير بكل أنواع الشخصيات المختلفة من صحابك؟
اللي عنده منطق واللي صوته عالي اللي بيتكلم بالحجه واللي بيتكلم بالعاطفة.
لأول مرة النهاردة عبر شاشات التلفزيون وعلى الهواء مباشرة.. القهوة بتاعتنا كلنا هتفتح وتحديدا الساعة ١١.. 
هنسهر كل جمعه مع بعض نتكلم في الكورة بحماس جدا لكن بمنتهى الأدب باختلاف جدا إنما بمنتهى التقدير.
المشاريب علينا النهاردة.. هتشاركوا معانا على هاشتاج #عالقهوه_مع_فايق 
متنسوش احنا جايين كلنا نتبسط علشان دي كورة 
السداسي الجامد ده هيبقى قاعد مع بعضه معايا ع القهوة 

وكان قد نشر المستشار تركي أل الشيخ عبر صفته الرسمية على الفيس بوك :

سعيد جدا بالنجاح اللي عمله برنامج إبراهيم فايق في mbc في وقت قصير جدا.. وده دليل ان الناس بتحب الحاجة الحلوة النضيفة اللي بتجمعهم بعيدا عن التريندالغير هادف.
علاقتي بإبراهيم ممتدة من سنين وفكرة البرنامج كانت هتنطلق من أكتر من ٥ سنين.. إبراهيم عيني عليه وعلى موهبته من وقت ظهوره في DMC وكنت عارف ان عنده كتير وجه الوقت اللي نستفيد منه لتقديم إعلام رياضي هادف محترم. 
وصيتي لفايق كانت واضحة من لحظة اتفاقنا أنه يقدم إعلام يقرب وجهات النظر ويمنح مساحات للأراء المختلفة باحترام وتقديم خدمة ممتعة لكل بيت مصري وعربي.
قريبا ومن يوم الجمعه تحديدا هتشوفوا فورمات برنامج رياضي مختلف وجديد ومبهر.. اشتغلت على أفكاره وتفاصيله مع فايق في أمريكا.
وقريبا برضه البرنامج هيستضيف أهم وأبرز النجوم العالميين.. 
استعدوا للمفاجآت