محمد الشناوي: « زعلان محدش قالي حمدلله على السلامة والكل بيتكلم مين أساسي ومين احتياطي»

أبدي محمد الشناوي حارس مرمى منتخب مصر ، حزنا شديداً عقب مباراة منتخب مصر وبوركينا فاسو ، مؤكداً أنه لم يتلقي دعم من أحد حتي بكلمة ” حمدالله على السلامه” عقب العودة من الإصابة.

وقال محمد الشناوي في تصريحات لقناة أون تايم : ماتش صعب ، ماشين بشكل كويس مع جهاز جديد ، بشكرهم على ثقتهم ، بشكر اللعيبة نفذت تعليمات كابتن حسام حسن.

وأشار: بقالنا فترة في المعسكر بنتدرب نبدأ بالكرة من تحت ، وكابتن حسام قالنا هنلعب 3 ورا ونبني الهجمة ولو الدنيا مقفوله نلعب الكرة على قدام لصلاح أو مصطفى محمد.

وأضاف: بقالي اكتر من اربع شهور بعيد ، وكان مهم بالنسبالي أبدا الماتش دا دي حاجه كويسه جدا ، وهما شافوني كويس في التدريب واثفين فيا وانا قد الثقة والنهارده بلعب وبأدي كأني مكنتش بعيد خالص.

وأكد: متدايق أن محدش قالي حمدالله على السلامه ، الناس بس عماله تتكلم وتقول مين هيلعب ومين لا ، لازم أي لاعب راجع من إصابة كبيرة يتقاله حمدالله على السلامه.

وأتم: ياجماعة إحنا في الأول والآخر واحد، وكلنا هندعم اللى بيلعب وبنمثل 120 مليون مشجع.