حقي مش هيضيع.. هجوم حاد من عدوية شعبان عبد الرحيم على رضا البحراوي
![رضا البحراوي وعدوية شعبان عبد الرحيم رضا البحراوي وعدوية شعبان عبد الرحيم](https://media.besraha.com/2024/5/large/2749165183664720240530110619619.jpg)
جدد المؤدي الشعبي عدوية شعبان عبد الرحيم هجومه على المطرب رضا البحراوي، وذلك لغناء الأخير لأغنية "صغير أنا" في عدد من حفلاته الفنية.
ونشر عدوية عبر صفحته الرسمية بموقع التواصل الاجتماعي "فيسبوك" قائلًا: "أنت برضه مش ساكت وبتغني الأغنية استناني أنا فضيلك طول ما أنت بتغني الأغنية.. وأنا مش راضي هقفلك لو هبطل اشتغل طول عمري لأن حقي مش هيضيع زاي باقي الناس اللي أنت بتسرقها.. أنا لا".
أزمة رضا البحراوي وعدوية شعبان عبد الرحيم
قال المطرب عدوية شعبان عبد الرحيم، أن رضا البحراوي طلب منه غناء أغنية "صغير أنا"، في الأفراح وبعدها عرض عليه غنائها سوياً ولكن رضا البحراوي رفض.
وتابع عدوية شعبان عبد الرحيم، خلال مداخلة هاتفية مع الإعلامية نهال طايل في برنامج "تفاصيل"، المذاع على قناة "صدى البلد 2"، أن أغنية "صغير أنا" من لحن والده وطلب من رضا البحراوي أن يغنيها معه ولكنه رفض فأقترح عليه الأخير المشاركة في أغنية أخرى".
وأشار عدوية، إلى أنه مستاء للغاية من رد فعل "البحراوي"، مردفا :"بدعي عليه كل شوية وأنا زعلان أني بعمل كده.. هو أنا علشان أبويا مات أبقى "ملطشة" المطربين ولا علشان هو حاسس أنه كبير في النجومية وأتشهر بسرعة يترسم عليا ويتنطط عليا كل شوية.
واختتم عدوية حديثه موجها رسالة للمطرب رضا البحراوي، قائلا:"أنا عملت معاك واجب لما طلبت مني تغني الأغنية قولتلك ماشي، يبقى لما أقولك تعالى نغنيها تقولي حاضر.. حتى لو مش علشاني يبقى علشان خاطر أبويا شعبان عبد الرحيم اللي وقف مع مطربين مصر كلهم".