شيكابالا: «فيه إعلاميين غيروا انتمائهم عشان يشتغلوا في الإعلام.. ومبعرفش أقول لرئيس نادي يا بابا»

يرى محمود عبدالرازق شيكابالا قائد نادي الزمالك أن تتويج النادي الأهلي بالبطولات أمر طبيعي بسبب توافر الاستقرار للفريق الأحمر، في المقابل كثرة الأزمات داخل نادي الزمالك، موضحًا أن هناك تناقض كبير في تناول وسائل الإعلام لأزمات القطبين.

وبسؤاله هل أنت مؤمن بنظرية المؤامرة؟، رد “ِشيكابالا” :” الفكرة في الإعلام، في إعلاميين كانوا بيحلفوا إنهم زملكاوية وبعد ذلك غيروا انتمائهم عشان يشتغلوا وبتبقى برامجهم هجوم على لاعبي الزمالك”.

وأشار :” في ناس مريضة، مين بيقولوا إللي بتعمله غلط، مفيش حد بيوقفه، لكن لو عمل كده مع الأهلي مش هيشتغل تاني، أنا أتحدث عن البعض وليس الكل، في ناس كانت بتحلف إنها زملكاوية لكن مكنش بيشتغل، ومكنش لاقي فيغير عشان يشتغل”.

وتابع :” حدثت لنا مشاكل في الدوري الثاني لنا، لا أتحدث عن التحكيم، لكن في مشاكل كثيرة، ما الذي يمنع الأهلي من حصد البطولات، عندهم أموال واستقرار وفريق قوي، لكننا عندنا مشاكل وعندما نحصد بطولة منهم بالتأكيد تكون مختلفة”.

وشدد “شيكابالا” :” جماهير الزمالك هي سبب وقوف النادي، لو هم ليسوا معنا الزمالك هيقفل، مجنون من يقول إن اللي بينزل الملعب مش هيأدي عشان مخدش فلوسه، لأن إللي بينزل وبيشوف الجماهير بيطلع كل اللي عنده”.