مخرج "بنقدر ظروفك": أحمد الفيشاوي بييجي قبل التصوير بساعة علشان نخفي التاتو في جسمه

قال المخرج أيمن مكرم، أن ما جذبه لإخراج فيلم "بنقدر ظروفك"، هو الكوميديا الموجودة بأحداث العمل، كونه قدم أخر عملين من نوعية التراجيديا فأحب التغيير.

وتابع أيمن مكرم خلال مداخلة هاتفية مع الإعلامية نهال طايل في برنامج "تفاصيل"، المذاع على قناة "صدى البلد 2"،:"الإسم شدني جدا وهو بنقدر ظروفك سواء من حد قريبه أو صاحبه وكمان موضوع خفيف وبيلمس الناس وبيدور حول شاب من حارة شعبية وإسم الفيلم على مسمى وجمهور السينما محتاج كوميديا في وقتنا الحالي".

وأشار "مكرم"، إلى أن الكوميديا موجودة بالسينمات أكثر من الأكشن، ومنذ 12 عام كان هناك مجموعة من الكوميديانات مثل الفنان محمد هنيدي ومحمد سعد والراحل علاء ولي الدين.

وأوضح أيمن مكرم، أن كواليس العمل كانت مريحة لفريق العمل سواء الممثلين أو الصناع، وكل شخص كان يأتي في موعده دون تأخير.

وحسم أيمن مكرم الجدل حول خلاف الفنان أحمد الفيشاوي مع زملاؤه الفنانين في أي عمل يشارك فيه، قائلا: "معرفش هل الكلام ده بيحصل علشان هو بيشتغل معايا ولا مع ناس تانية.. الفيشاوي تاني فيلم بنعمله مع بعض وعلاقتنا كويسة مع بعض وأنا لم أعاني معاه وهو ملتزم وبييجي قبل ميعاد تصويره بساعة علشان يعمل ميكب ونخفي التاتوهات اللي في جسمه وده شيء عاديء وبياخد وقت بشكل منظم".