«عاكسها بالنهار واتقدملها بالليل».. قصة حب عدوية وزوجته

رحلت عن عالمنا مساء اليوم الخميس، زوجة الفنان أحمد عدوية، تقام صلاة الجنازة عليها بعد صلاة المغرب اليوم.

وتحدثت زوجة الفنان أحمد عدوية عن سبب ارتباطهما من البداية في أحد البرامج التليفزيونية، قائلة: «تزوجته في بدايته الفنية كنت طالعة من المدرسة وهو ماشي بالعربية، وكان يعرف والدي رحمه الله عليه وقعد يشاورلي وقالي تعالى أوصلك قلتله لا مينفعش، لما فضل يقولي أنا أعرف باباكي هوصلك لحد أول الشارع قلتله لا، لا أول الشارع ولا آخره أخد بعضه ومشي».

وواصلت حديثها:«بالليل لقيته عندنا تقدم رسمي لوالدي وقاله إنه عايزني وعاوز يرتبط بيا، والدي قاله إني صغيرة في السن، لأني كنت لسة في المرحلة الإعدادية، قال لأبويا ليك عليا إنها تكمل دراستها ومش همنعها من التعليم، بس عاوز نكمل مشوارنا مع بعض فطلب منه والدي منحه مهلة للتفكير، وشاورني والدي قال لي أحمد عدوية طلبك مني، قلتله اللي أنت شايفه وكنت صغيرة ومكانش ليا رأي».