المحامي محمد حمودة يتولى الدفاع عن مطرب المهرجانات عصام صاصا في حادث الدائري

كشفت جهاد أحمد، زوجة مطرب المهرجانات عصام صاصا، سر اختفاء زوجها، مؤكدة أن كامل الأسرة في حالة غير جيدة بسبب الحادث، مشيرة إلى أن زوجها وقع توكيل للمحامي محمد حمودة  للدفاع عنه في قضية دهس مواطن أثناء قيادة سيارة أعلى الدائري.

في هذا السياق، تداول الجمهور فيديو لزوجة مؤدي المهرجانات عصام صاصا، وهي تتحدث عن سر اختفاء عصام وما حدث في الساعات الماضية: عاملين ايه.. عارفه إنكم مستنين مننا أي رد.. بس احنا تعبانين أوي ومش قادرين إننا نرد علشان فيه موضوع مهم عاوزه أقولكم عليه وهو ضرورى.

وتابعت قائلة: عصام من 3 أيام عمل توكيل للمحامي.. وأي حد عاوز عصام في القضية بتاعته..  حد عاوز يشهد عاوز يقول أي حاجة عن الحادثة.. لأننا مش بنرد على أي رسايل.. ولازم حضرتكم تبقوا عارفين إن المحامي بتاعنا اسمه إيه.

وأضافت: وهو اللي ماسك قضية عصام.. وهو اللي ليه الحق إنه يعرف أي تفصيلة عن الحادث.. واحنا ملناش دعوة بأي حد بيقول إنه ماسك قضية عصام.. وهو الوكيل الوحيد في قضية عصام طه.

وتسبب مطرب المهرجانات عصام صاصا، في وفاة شخص يدعى أحمد مفتاح يبلغ من العمر 40 سنة، وذلك بعد دهسه أعلى دائري المنيب يوم الاثنين الماضي الموافق 6 مايو الجاري، وألقت الأجهزة الأمنية القبض على عصام صاصا، وذلك  بعدما تلقت المديرية بلاغا من مستشفى الهرم بوصول جثة هامدة لشخص جراء حادث تصادم أعلى الطريق الدائري، وعلى الفور تم اتخاذ الإجراءات اللازمة.