في عز الضلمة.. زوجة عصام صاصا تكشف اعترافات الشاهد على الحادث

كشفت جهاد ماهر زوجة مؤدي المهرجانات عصام صاصا عن بعض المحادثات بينها، وبين الشاهد على واقعة حادث زوجها، والتي تسببت في الجدل بالأيام الماضية.

ونشرت جهاد عبر صفحتها الرسمية بموقع تبادل الصور والفيديوهات "إنستجرام"، صور من المحادثات الخاصة بالشاهد، وعلقت عليها قائلة: "الحمدلله"، وهو ما نستعرضه لكم في السطور التالية.

وجاء في المحادثات: "أتمنى ترد عليا من سبب موضوع عصام عشان أنا صاحب العربية الجيلي اللي كانت جنبوا وعمال أعمل كل حاجة عشان أوصل لعصام أو محامي بتاعوا عشان لو عايزة شهادة".

وأضاف الشاهد: "وكانت معايا عميل من إندريفر معايا بردوا لو احتاجها خت رقمها".

وتابع الشاهد: "أقسم بالله يابن الحلال ما خبطوا جنب الرصيف زي ما بيقولوا.. خبطوا في الحارة التانية أو التالتة وكلوا قاعد يقولك أنها كانت ساعة سبعة ونصف وفي النور الكلام ده كان الساعة 5 وكسور في عز الضلمة.. وأنا أصلًا كنت مهدي عشان الردار بتاع مصر والطيران وبعدها كنت نازل مريوطية وكنت في تالت حارة بقلب رعش لقيت الراجل قدرام يدوب حدفت شمال راح عداني.. راح العربية اللي جنبي جت شالتوا.. وأقسم بالله ولا أعرف أنو عصام والا حاجة.. خبطوا ونزل وممشيش".

وأضاف الشاهد: "عقبال ما وقف كنت أنا للميت يمين ونزلت أدور على الراجل ولقيتوا جانب الرصيف.. وعصام جي بيجري عليا.. ومكنش في غير أنا وهو والزبونة في العربية وأعدت تصوت.. وجالي عمال يقولي والله ما قصدي أخبطوا قولتله الراجل مات يا أخويا وأنا وهوه واقفين مفيش أعصاب وجاتلو حالة هيستيرية.. روحت جبت الفرش من عربيتي وروحت مغطيه".

واستطرد الشاهد: "وأقسم ما في راجل شاف منظر الراجل ولا حتى لما الإسعاف جت.. عسان هما شالوه بالفرش على طول.. وأقسم بالله أنا ما بنام من سبب ده حوار ةالتفكير ومش عشان هوه عصام صاصا بس قسمًا بالله أنا لولا ربنا سترها معايا أنا كنت هكون مكانوا".