“مش خيانة أقسم بالله”.. ياسمين عبد العزيز تكشف سبب انفصالها عن أحمد العوضى

كشفت النجمة ياسمين عبد العزيز، سبب انفصالها عن زوجها السابق الفنان أحمد العوضى، قائلة:"بعيد عن إن فيه سبب من الأسباب ما ينفعش نتكلم فيه، ومش خيانة أقسم بالله مش خيانة، عشان فيه ناس مؤذية كتير مش وراهم غير إنهم يأذونى".

وتابعت ياسمين عبد العزيز  التي حلت ضيفة في برنامج "صاحبة السعادة" المذاع على قناة Dmc، التي تقدمه الفنانة والإعلامية إسعاد يونس، : "أنا مش هينفع أتكلم في تفاصيل والناس حبانا مع بعض وفى ناس حقودين وبيوقعوا لأنهم ما يعرفوش يعنى إيه حب، وجواهم كره".

وعن مناسبة مقابلتها معه في سحور برمضان، قالت: "ما اتقابلناش، كل واحد جه في وقت، والفيديوهات على النت متركبة".

وبسؤالها لو رأته في حفلة عامة قالت ياسمين عبد العزيز: "مش عارفة أنا بهرب طول الوقت وأفتح الفيسبوك ألاقى ناس منزلة صور وإحنا حاضنين بعض أو فيديوهات، والمشكلة إن الحاجات دى بتوجع وبتخلى الواحدة تفكر في اللى فات".

وأوضحت ياسمين عبد العزيز: "أنا بسيب الحاجة على ربنا واللى عايزه يمشيني في أي سكة أنا بكون راضية حتى لو مش على رغبتى".

وتحدثت ياسمين عبد العزيز عن علاقتها بالفنان أحمد العوضي قائلة: "أنا مع أحمد لما حبيته اكتشفت إن أنا ما كنتش بحب قبل كده".

وأضافت ياسمين عبد العزيز: "يعنى الحب اللى قبل كده أنا ما حبيتش، وإن أحمد أول حب في حياتى وهو الحب الحقيقى".
وعن علاقتها بالفنان أحمد العوضي قالت ياسمين عبد العزيز باكية: "أنا مش بحب أحمد أنا بعشقه"، لتعاتب إسعاد يونس: انتى جايبانى عشان أعيط وبتضحكى عليا بحاجات بتوجعنى ومش عارفة أنا بقيت رقيقة كده ليه ما كنتش كده والله".