ياسمين عز تفاجئ جمهورها بمسابقة قيمتها 10 آلاف جنيه في الموسم الجديد من «كلام الناس»

كشفت الإعلامية ياسمين عز في الحلقة الأولى للموسم الجديد من برنامجها «كلام الناس» المذاع عبر قناة mbc مصر، عن مسابقة جديدة لجمهورها.

تفاصيل مسابقة ياسمين عز

وفاجأت ياسمين عز جمهورها بأن المسابقة ستكون عبارة عن ذهابها وإقامة البرنامج من منازل المشاهدين وطرح سؤال عليهم وقيمة الجائزة 10 آلاف جنيه، وذلك من الخميس للأحد.

وقالت ياسمين عز: في هذا الموسم الجديد مش بس هتشوفوني في التليفزيون لكن هتفتحي الباب وتلاقيني، لأني هلف مدن مصروقراها وشوارها وهخبط عليكم وهنسألكم سؤال لو جبتوه صح هدي ليك أو ليها عشر آلاف جنيه ولو ما جاوبتيش هنعرض عليكي سؤال تاني، بداية من الأسبوع الجاي من الخميس للأحد.

ياسمين عز تتحدث عن الحوامل في الموسم الجديد من كلام الناس

وعبرت ياسمين عز عن سعادتها بالعودة للبرنامج في الموسم الجديد، مشيرة إلى أنها هذا الموسم ستخصص حديثها عن الحوامل وليس الستات والرجال قائلة: في الموسم ده مش هنتكلم عن الستات ولا الرجالة.. ولكن هنتكلم عن الحوامل.. أنا إزاي أهملت وتغافلت عن الحوامل السنين اللي فاتت.. دي الحامل عبارة عن كتلة هرموانات ماشية على الأرض ومسكينة وغلبانة ومكتومة كتمة الكحك.

وأضافت ياسمين عز: الموسم ده غير كل المواسم لأني هبهرك، وأنا عمري ما نسيتك، ولو طلعت إعارة هفضل فاكراكي، وكنت بعمل لك رسالة ماجستير والموسم ده مش هقعد على الكنبة أقول في دراسة قالها كذا، ولكن أنا هعملك دراسة بإيدي في البيت وهناقشك فيها في البرنامج.. ليه نجيب دراسات من بره لما ممكن نعملها هنا.. ومن هنا ورايح اللي هيحصل علم نفس ومنطق وفلسفة وتفلسف وهناقش معاكي رسالة الماجستير بتاعتي تسمعيني وتولدي في السابع.