يا رافعة راسنا.. محمد فؤاد يمازح ياسمين عز ويشيد بندائها "يا أستاذ محمد"

مازح الفنان محمد فؤاد، الإعلامية ياسمين عز، خلال حلقته معها مساء أمس السبت 30 ديسمبر، في برنامج “كلام الناس”، الذي يذاع عبر فضائية mbc مصر.

وطلب الفنان محمد فؤاد، أن تقول له جملتها الشهيرة «ياااااا أستاذ محمد»، لترددها له، قائلة :" دي معمولة عشانك مخصوص ياااا أستاااذ محمد".

محمد فؤاد يشيد بياسمين عز

وأشاد الفنان محمد فؤاد بـ الإعلامية ياسمين عز وذلك خلال حلوله ضيفا على برنامجها الشهير “كلام الناس” والتي تعود به بعد غياب دام لشهور عديدة، حيث أشار “فؤاد” بأنه من مؤيديها.

وقال محمد فؤاد خلال لقائه مع ياسمين عز في كلام الناس انتي نجمة كبيرة وعاملة حالة جامدة.. مفيش حد بينجح بالهوا لازم يكون ليه منتقدين في الأول شكرا إنك نصرانا بس نفسي المواسم الجاية تتكلمي عن حقوق المرأة بردو عشان الناس متفتكرش إنك في اتجاه واحد، أنا عارف إنك قاصدك تعمري بيوت وجاية من بيت متربي.

محمد فؤاد يوجه رسالة للسيدات 

وتابع حديثه قائلا: عارف إنك بتتكلمي عن الرجالة اللي بتشيل زواجتهم وبتقدرهم وعارفة قيمتهم مش الجزء التاني اللي شايف إن المرأة ضعيفة أنا من مؤيدينك وبقولك استمري احنا معجبين بيكي.

وطالب محمد فؤاد ياسمين عز بالحديث عن المرأة اليبانية، حيث قال لها: : الست اليابانية بتشيل جزمة جوزها من عالباب برة ومينفعش يمشي جنبها وهو شايل حاجة.

ووجه رسالة للسيدات، قائلا: متحكيش حاجة بينك وبين جوزك لأهلك عشان هو مبيسامحش في الحاجات دي وبتكسريه، لو محكتيش بيقدر ده وبيعرف قيمتك وبيخليه يحاول ميزعلكيش تاني، فمهما حصل بينكم متقوليش واكتمي جواكي، ومتكسرهوش عشان هيبيعك.