أحمد العوضي: عربي السويركي مختلف عن باقى الشخصيات.. لو واحد من المعجبين قالى بحبك فى الشارع أبرك من 10 يهاجموني.. كل مسابقة بقدمها على صفحتى ربنا بيعوضنى كتير بيها.. كنت ممثل مسرح

أكد الفنان أحمد العوضي، أنه جسد عدة شخصيات فى مشواره الفنى، منها دور الإرهابى فى "الاختيار" وبلطجى فى "الخديوى" ويحمل طابع من الجدعنة، وأنا بالنسبة لى الراجل لازم يبقى جدع، والكومندا الصعيدى مالوش علاقة بالخير لكن يحمل طابع الجدعنة".

شخصية حق عرب

وأضاف أحمد العوضى، خلال حواره ببرنامج "ع المسرح"، مع الإعلامية منى عبد الوهاب، على قناة الحياة، أن دور "عربي السويركي" مختلف عن باقى الشخصيات لكن يحمل طابع ابن البلد، وانا مقدرش أطلع خارج نطاق اللى مؤمن بيه".

وأكد أحمد العوضى، أن المصرى طابعه الجدعنة والطيبة والكرم، والناس كلها اخواتى، اللى أنا منهم، ومافيش حد يقدر يكدب طول الوقت ولو أنا مش حقيقى الناس مش هتصدقنى، وانا بتكلم من قلبى والفيصل بينى وبين الناس رب العباد اللى بيطلع على القلوب".

وقال أحمد العوضى، أنا ممثل مسرح وبدايتى كانت فى مسرح الجامعة، لكن المسرح يظل صاحب الهيبة الأكبر ومجتنيش فرصة تانية أمثل على المسرح بعدما أصبحت ممثل وأتمنى العودة ليه، ولو حياتى مسرحية هختارلها اسم "طموح".

ممثل مسرح 

وأكد أن كن، والتى بدأت منذ طفولتى، وتربيتى ونشأتى وأهلى وعلاقتى بصحابى، وكبرت بيه وانعكس عليا فى مشوارى الفنى.

وتابع أحمد العوضى، أنا بحمل قضية ميعنة ومكنتش كاره ولا رافض انى ابن منطقة شعبية من بيت مش غنى ولا متوسط، ولما كبرت افتخرت بنشأتى، وأنا عشت عيشة أهلى من وأنا صغير وحتى لما بقيت نجم.

هجوم الجمهور على العوضي 

وأكد العوضى، أن لو واحد من المعجبين قالى بحبك فى الشارع أبرك من 10 يهاجمونى، وانا طالع ونشأت مع الأغلبية من الناس، ولو جانى دور ابن أكابر هعمله لكن المسلسل هيكون منحاذ للطبقة دى، وأنا اللى يهمنى اللى أنا طالع من وسطيهم".

وأضاف أن جمهورى على السوشيال ميديا بركة من الله ورزق، ولما الكلام بيكون بلا ضوابط على السوشيال ميديا ميعجبنيش، ومينفعش لو فى حاجة معرفش أقولها فى الشارع وأكتبها وانا مستخبى على السوشيال ميديا وده مش جدعنة".

مسابقة أحمد العوضي 

وعن المسابقات التى يقدمها على السوشيال ميديا قال : بيدخل على صفحتى فى اليوم نصف مليون متسابق وده عهد بينى وبين ربنا انا مش ملزم بيه، وعهدت ربنا إن عمرى ما أكسب حد أعرفه، وبحط السؤال واختبار بايدى وبكلم الناس بنفسى بعمل كل شيء بنفسى لأن ده بينى وبين ربنا، وكسبت أكثر من 200 شخص خلال رمضان، ويكفينى اللى كسب دعالى".

وقال العوضى، "كل مسابقة بقدمها على صفحتى ربنا بيعوضنى كتير بيها، منها الدعوة من حد غلبان متستهونش بيها وهى أبرك من 1000 واحد يهاجمنى، لافتا إلى أنه لم يرد على من اتهموه فى موضوع التعاطف مع صاحب واقعة "الكشرى" وعمرى ما رديت على حد هاجمنى".

صاحب واقعة الكشري

وأوضح أن صاحب واقعة الكشرى كانت مشكلته على الملأ فجبرت بخاطره، وانا عمرى ما أندم على خير عملته، ولا قولت اتقى شر من أحسنت إليه واللى يقول عليا حاجة يقولها واحترامه على راسى".

دكتور نفسي 

وأكد العوضى، عمرى ما رحت لدكتور نفسى، وبحل مشاكلى بنفسى والحمد لله، مشيرا إلى انه كان ملاكم واشتغل مع الفنان نور الشريف وكان مثله الأعلى وذهب عنده عشان يشوفه بس، فأخذه، وانا اتخرجت من مدرسته، وبطبعى مش رومانسى، وبكره الرومانسية اللى فيها تلزيق، وبحب الرومانسية تكون برجولة، والراجل لازم يكون راجل فى كل حاجة".