بغني وبرقص .. دنيا سمير غانم تكشف كيف تجاوزت حزنها على وفاة والديها

كشفت الفنانة دنيا سمير غانم، عن  كيفية التغلب على حزنها بعد فقدان والديها الفنانين سمير غانم  ودلال عبد العزيز، قائلة: "«أنا متجاوزتش الموضوع وهو مش سهل، بعد التجربة اكتشفت أن الحزن مش زي ما بنقدمه في الأفلام، وأن ليه أنواع كتير

وأضافت دنيا سمير غانم، خلال حوارها مع الإعلامي عمرو أديب برنامج "بيج تايم بودكاست"  عبر شاشة “mbc : ”أنا مثلا بعد وفاة أهلي كنت عايزة أنزل أشتغل، لأن طول حياتي متبرمجة أن الفن يعني هما، ولما بشتغل بحس أن هما معايا طول الوقت، ودي كانت طريقتي في الحزن، أنا عايزة أمثل وأغني وأقف على المسرح عشان أحس بوجودهم».

وأكدت  دنيا سمير غانم، أن شقيقتها إيمي لها أسلوب مختلف في الحزن على رحيل والديهما، قائلة: «إيمي كان حزنها مختلفًا طول الوقت، كانت عايزة تكون لوحدها، وقدمت أول أعمالها بعد ضغط كبير مني ومن زوجها حسن الرداد».

غصب عني  بدمع وبكون عايزة أعيط

وقالت دنيا سمير غانم، إنها تجد نفسها في أوقات كثيرة ترغب في البكاء وتنزل دموعها، ولكنها تحاول دائمًا السيطرة على نفسها: «أنا غصب عني بكون بدمع وبكون عايزة أعيط، لكن بكون جوا الموقف وبمسك نفسي، وبغني وأرقص وبقابل الناس لكن هما جوايا، المرحلة اللي قبل الوفاة كانت صعبة أوي وطوال الوقت لحد الآن صورتهم خلال مرضهم مش بتروح من بالي، ومش قادرة أتخلص منها».