آيتن عامر : اللي عايز يتفرج على مسلسلات في رمضان يقبلها بما فيها

أحرجت الإعلامية بسمة وهبة الفنانة آيتن عامر، بسبب مشاهدها في مسلسل "زوجة واحدة لا تكفي" الذي يعرض في سباق دراما رمضان 2024، قائلة: "أنتي بترقصي من أول حلقة في المسلسل يا آيتن، أنتِ مش مراعية رمضان أبدا".

وردت "عامر"، في حوارها مع الإعلامية بسمة وهبة، مقدمة برنامج "العرافة"، على قناتي النهار والمحور: "إيه الكلام ده؟! منتفرجش بقى على مسلسلات خالص، قدمت أدوارا مثله كثيرا، جسدت شخصية راقصة في فيلم علي بابا".

وسألتها الإعلامية بسمة وهبة: "أنتِ مش شايفة إن المسلسل ده جريء أوي، وأنتِ قبل كده رفضتِ عمل لنفس المؤلفة بتاعة المسلسل ده لأن أعمالها كلها جريئة وصادمة؟!"، لترد آيتن: "أحب مشاهدة أعمال كاتبة المسلسل، وسبب رفضي لمسسل من شارع الهرم ليس جرأة الدور، فهو دور صعب جدا وأوجه التحية لنور الغندور التي قدمت الدور وحققت فيه نجاحا كبيرا، لكني اعتذرت بسبب ضيق الوقت وبخاصة أنه كان يصور خارج مصر". 

وتابعت: "إحنا محترمين قواعد الشهر الكريم، واللي عايز يتفرج على مسلسلات في رمضان يقبلها بما فيها، واللي مش عايز له كل الاحترام ويتفرج بعد رمضان".