مدحت شلبي ردا على رضا عبدالعال: «مراتي متعرفش أنا أهلاوي ولا زملكاوي هو هيعرف»

رفض الإعلامي مدحت شلبي الإفصاح عن انتمائه الكروي سواء بتشجيع الزمالك أو الأهلي، مشيرًا إلي أنه يتعمد إخفاء هذا الأمر على الجميع.

وأضاف “شلبي” خلال حواره ببرنامج “ع المسرح”، المُذاع على شاشة “الحياة” : “طول عمري لاعب كورة من قبل الشرطة، ولعبت في الكلية ومنتخب الشرطة، واشتغلت في التدريب بعد دورة تدريبية في شمال إنجلترا”.

مراتي متعرفش أنا أهلاوي ولا زملكاوي

وأشار مدحت شلبي: “علشان أنجح لازم أتخلص من هويتي الرياضية بأحاسيسي وأفعالي، لكن ربما الأهلي حظه حلو معايا شوية لما أعلق على ماتشات الكرة أهلي وزمالك فيقولك ده أهلاوي علشان الأهلي عادة بيكسب الزمالك في الماتشات اللي بيعلق عليها، فجمهور الأهلي يتفاءل وجمهور الزمالك يتشاؤم”.

وعن حقيقة انتمائه في التشجيع للنادي الأهلي وفقا لرواية رضا عبد العال، علق: “إذا كان مراتي متعرفش أنا أهلاوي ولا زملكاوي يبقى هو يعرف ده حتى جوجل ميعرفش، أنا هويتي متبانش عليا لإني محبش أخسر أي جمهور، وقلت لمراتي لم أغادر الحياة في آخر لحظة هقولك أنا زملكاوي ولا أهلاوي”.