أحمد فهمي لـ"حبر سري": بدعم مراتي عشان تغني صوتها حلو ورفضي لغنائها كان "قفلة دماغ"

أكد الفنان أحمد فهمي، عدم وقوفه امام فكرة غناء زوجته أميرة، قائلا: "فكرة رفض غناء مراتي كل واحد مع مرور الوقت أفكاره وطموحاته تختلف وفي وقت من الأوقات كنت مثلا مش عايزها تغني ودلوقتي ادعمها أنها تغني وبساعدها في موضوع الغناء".

وأضاف أحمد فهمي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن صوت زوجته أميرة حلو ورفضه لغناءها قبل ذلك كان "قفلة دماغ"، متابعا: "كان قفلة دماغ مني واعترف بغلطي ومراتي اميرة عرفاني وانا لسه عازف وحضرت معايا كل مراحل شغلي".

واستكمل: "أبويا لما توفى كنت أنا أبو اخواتي البنات والتدخل في حياتهم كان لازم اكون موجود وضهر لهم وانا عندي 5 اخوات بنات والوقوف بجانبهم مش غلط ده العكس، وعمري ما كنت أناني ولا مدلع وابويا فرض عليا طريقة في التعامل عشان اطلع راجل لأني كنت متربي وسط بنات".