بسمة بوسيل عن علاقتها بـ تامر حسني بعد الطلاق: محظوظة بيه وأولادنا ملهمش ذنب

كشفت الفنانة بسمة بوسيل، تفاصيل علاقتها بالفنان تامر حسني، بعد طلاقهما وذلك خلال لقاء لها مع برنامج et بالعربي.

وقالت بسمة بوسيل عن ظهورهما معا في المناسبات: "المناسبات وأول يوم في رمضان دا يوم كبير عندنا لازم نتجمع وولادنا يحسوا بالدفا، حتى لو إطلقنا إحنا لسه بنحافظ على أولادنا هما ملهمش ذنب في اختياراتنا، أهم حاجة عندنا الصحة النفسية بتاعة ولادنا إحنا مش بنمثل إحنا عيلة متجمعين".

بسمة بوسيل تكشف علاقتها بتامر حسني بعد الطلاق

وتابعت: "رغم الطلاق الحياة في البيت عند تامر زي البيت عندي وبروح وقت ما أنا عايزة وهو بيجي وقت ما هو عايز، إحنا ربنا كتب علينا ده بس في نفس الوقت مش عايزين نخلي أولادنا ضحية".

وأضافت: "أنا وتامر بنحافظ على أن في ما بينا حب لأولادنا ولبعض وعندنا احترام لبعض وبالنسبة لينا العيلة هي رقم 1 ولو محاولتيش تخلي علاقتك بطليقك كويسة عشان ولادكم فأنتي مش أم كويسة، بصراحة تامر سباق أكتر مني وأنا محظوظة هو أب مثالي وبيعشق أولاده".