دينا:متخيلش نفسي غير رقاصة

استضافت المذيعة إنجي علي،في حلقة برنامج «أسرار النجوم»، الفنانة دينا، عبر إذاعة «نجوم إف إم»،للحديث عن أحدث أعمالها الفنية، وعن أسرار في حياتها الشخصية.

دينا : أنا ماتخيلش نفسي مش رقاصة

قالت دينا:أنا ماتخيلش نفسي مش رقاصة، أنا الرقص في دمي من سن 9 سنين، لو مش شغالة رقاصة هشتغل ايه؟ لا مش هشتغل حاجة هشتغل رقاصة برضه.

واكملت إنجي: دينا أثناء رقصك ممكن تخليني أبكي وممكن تفرحيني، وممكن توجعي لي قلبي، وممكن تخليني أسرح كل ده بالرقص.

فعلقت دينا قائلة: ده حقيقي، أصحابي دائما ينبهوني ويقولوا لى: بجد كنا هنعيط، ليه بتنكدي علينا،إحساس الأغنية كده، رايح السكة دي، هي مشاعر، كل واحد فينا بيحس بطريقة مختلفة عن الآخر ويتفاعل مع الإحساس ده بطريقته الخاصة.

دينا تسجل قصة حياتها في كتاب فرنسي

وبسؤالها عن سيرة ذاتية تتمنى تقديمها في عمل فني،قالت دينا:«أنا بحب سامية جمال جدا وهي كانت دائمة الحركة على المسرح في استعراضاتها ولكنها ليس لديها حياة خاصة أو وجع نقدر نتكلم عنه في عمل، ولو فيه سيرة ذاتية أتمنى تقديمها فستكون حياة (شفيقة القبطية) وهي أول راقصة رقصت بالشمعدان فهي لها ستايل لوحدها وحياتها مليئة بالتفاصيل،أيضا بحب نعيمة عاكف كانت ممثلة شاطرة ومتنوعة ولكنها توفت صغيرة في السن».

وكشف دينا على أنها سجلت قصة حياتها وتم طباعتها في كتاب فرنسي، قائلة: «أنا قصة حياتي مكتوبة في كتاب بفرنسا اسمه (حريتي في الرقص)، وأنا تم تكريمي في العديد من دول العالم بسبب رقصي وهذا لم يحدث معي في مصر، ونفسي قبل ما أموت أخذ جائزة عن الرقص في مصر، وإنك تعبري بجسمك هو أصعب الفنون».