دينا عن علاقتها بـ نجلها:"رفضت أدي ابني فلوس عشان مش هيبقى بني آدم"

كشفت الفنانة دينا، رأيها في الفرق بين تربية الرجال والنساء، كما تحدثت عن تربيتها لنجلها علي.

تصريحات دينا في برنامج الستات

وقالت دينا في حوارها مع برنامج الستات،المذاع عبر شاشة قناة النهار، إن التربية المصرية أساسها سيدة، وذلك بسبب انشغال الرجل بعمله عل مدار اليوم، موضحة: كل بيوت مصر تربية واحدة ست، مصر كلها اللي مربياها واحدة ست،لآن الراجل أساسا مش موجود،الراجل بيطلع يروح شغله ويرجع بليل مبيربيش والست هي اللي بتربيـ وأنا مش بقلل من وجود الرجالة.

كما نصحت دينا،السيدات بعدم الانفصال عن أزواجهن في حالة وجود طفل صغير السن، مضيفة: الرجالة بعد الانفصال مبتكونش موجودة، ولو عايزين يربوا عيالهم ياخدوهم خميس وجمعة ويشاركوا في تربيتهم، ومبنصحش أن يكون فيه طلاق، وكل ما واحده صاحبتي تقولي هطلق بقولها بلاش ابنك لما يوصل 12 سنة مش هتقدري عليه.

دينا تكشف عن علاقتها بنجلها

وأضافت دينا: ابني تأثر بعدم وجود والده،وافتقد وجوده طبعا،وعدم وجود الأب حاجة صعبة جدا وصعبة عليا أنا كمان،وأنا ربيت علي ابني على أنه يبقى راجل ويعتمد على نفسه، ومخلتهوش مرفه، وكنت صارمة في تربيته، والأم بتفضل خايفة على والدها لحد ما يكبروا.

وروت دينا موقف جمعها بـ نجلها علي أثناء اختياره مجال الطبخ،مشيرة إلى أنها كانت تريده ان يلتحق بدراسة مجال التجارة والبزنس وليس الطبخ، قائلة: كنت عايزة ابني يدرس بزنس، بس قالي أنتي أهلك وافقوا على الرقص قولتله لا، وقالي أنتي نجحتي في إيه، قولتله الرقص، قالي ممكن تسبيني أدرس طبخ.. سكت وقولتله اتفضل.

وأشارت دينا، إلى أن نجلها علي لا يحب مهنة الفن، موضحة: مبيحبش شغلة الفن، مع إني لما باخده نرقص شوية بيعمل الخطوات في 3 ثواني، عنده جينات بقا بس هو مبيحبش الشغل ده هو عايز يشتغل 5 أيام و2 إجازة.