دينا تكشف عن طقوسها قبل بداية الرقص: بسخن جسمي عشان العضلات متتعبش

كشفت الفنانة دينا عن طقوسها قبل بداية الرقص، خلال استضافتها في برنامج “أسرار النجوم” مع الإعلامية إنجي علي، المذاع عبر راديو نجوم إف إم.

دينا تكشف طقوسها قبل الرقص 

وقالت دينا: «بسخن جسمي عشان العضلات متتعبش، وبقول دعاء: “الله خير حافظا وهو أرحم الراحمين”، وكل الناس بتشوفني وأنا بعمل ده.

دينا تثير الجدل: ابني كره الفن عشان شافني بتعب قد إيه في الرقص

وفي وقت سابق، أثارت الفنانة والراقصة دينا، الجدل بتصريحاتها في برنامج "الستات" الذي تقدمه كل من سهير جودة ومفيدة شيحة عبر شاشة "النهار".

وقالت الفنانة دينا، عن امتهان نجلها الفن : "أذنه موسيقية رائعة، عندما أرقص معه ينفذ الخطوات في 3 ثوان، لكنه لا يحب العمل في الفن، وأنا السبب، لأنه شافني بتعب قد ايه في الرقص، فقال لي (لا لا أنا عايز اشتغل حاجة 5 أيام ويومين أجازة)".

تصريحات دينا

وتابعت: ابني بقى شبهي غصب عنه لأنه عايش طول عمره معايا، وحب المطبخ عشان أنا بحب المطبخ، وعندما قرر دراسة الطبخ كنت عايزاه يدرس إدارة أعمال (بيزنس) وبعدها ياخد كورسات طبخ، ورد علي قائلا: (هو حضرتك لما قولتي لأهلك عايزة ارقص وافقوا؟) قولت له (لا)، وقال لي (أنت نجحتي في إيه؟)، قولت له (الرقص)، قال لي (ممكن تسبيني أدرس طبخ).. سكت وقولت له (اتفضل).

دينا: رجالة مصر كلها تربية واحدة ست

وردت دينا على سؤال مفيدة شيحة عن سبب رفضها أن يستمتع ابنها علي بأموالها قائلة: "ومايبقاش بني آدم؟ يبقى تابع؟ لو أنتِ بتربي كدة يبقى (في الفسكونيا)، يطلع رجل ويعتمد على نفسه، بيل جيتس أعطى لابنه 100 ألف دولار فقط ليبدأ بهم خياته، وهو يمتلك ملايين، لازم يتعلموا يعمل حياته ومسقبلة.

واختتمت: “كل بيوت مصر مربيينهم واحدة ست، مهما كان في رجل في البيت، فهو في عمله طوال النهار، يعود آخر الليل، مابيربيش، كل مصر مربياها ست”.