انفوجراف| شراكة وليست بيع.. الرئيس السيسي يصارح المصريين ويتحدث لأول مرة عن رأس الحكمة

رأس الحكمة هو أكبر مشروع سياحي على البحر المتوسط

مشروع رأس الحكمة شراكة مع أخواننا في الإمارات

ميصحش نخدعكم أو نقول كلام مش دقيق وغير صحيح

احنا شفافين وصادقين في طرح الموضوع بدون ما نخبي حاجة

هتكون مدينة الأنشطة فيها على مدار العام وليس الصيف فقط

أتمنى الأشقاء في الإمارات يقدروا يحققوا المدينة العالمية

الشيخ محمد بن زايد أخويا وحبيبي وأهل الإمارات حبايبنا

أشكرهم.. مافيش دولة في العالم تدفع 35 مليار دولار في شهرين

شهد الرئيس عبد الفتاح السيسى اليوم، احتفالية "قادرون باختلاف" فى نسختها الخامسة بمركز المنارة للمؤتمرات الدولية بالقاهرة الجديدة.

وحرص الرئيس عبدالفتاح السيسى على التقاط صورة تذكارية مع أبطال الإعاقات الذهنية فى دورة الألعاب العالمية بفرنسا الذين حصلوا على 27 ميدالية ذهبية وفضية وبرونزية على مستوى الألعاب فى دورة الألعاب لذوى الإعاقة فى مدينة فيتشى بفرنسا 2023.

ووجه الفيلم رسالة طمأنة من الدولة والرئيس السيسى لجميع الأشخاص من ذوى الهمم على الاستمرار فى رعايتهم والاهتمام بهم، وأنهم لن يكونوا أبدا وحدهم.

وجه الرئيس عبدالفتاح السيسى، الحكومة بتخصيص 10 مليارات جنيه لصندوق "قادرون باختلاف".

وأعرب السيسى، خلال احتفالية "قادرون باختلاف" فى نسختها الخامسة بمركز المنارة للمؤتمرات الدولية بالقاهرة الجديدة، عن سعادته بوجوده فى الاحتفالية.. قائلا : "إن هذه الاحتفالية فرصة لتدبر عظمة الله وقدرته فى خلقه، والثمن الذى يجب تقديمه شكر وتقدير، كما أنها فرصة للتفكير فيما يجب أن نفعله حتى لو كانت ظروفنا بسيطة".

احتفالية قادرون باختلاف

وشدد الرئيس السيسى على ضرورة التلاحم بين الجميع..قائلا :"يجب أن تكون قلوبنا على قلوب البعض، وأن نساعد بعضنا البعض، ونقف حتى لو بكلمة مع كل ما نراه ونسهم بكل فعل وكلام وحتى الموارد".

وأعرب الرئيس عبدالفتاح السيسى، عن سعادته بحضور احتفالية قادرون باختلاف فى نسختها الخامسة.

قال الرئيس السيسي: "سعيد بوجودكم ومتشرف قوى والله باليوم ده.. هو يوم بنعيش عليه السنة كلها.. ومش ببالغ فى الكلام ده.. وقلت أن احنا فى عالم الحقيقة فيه مش واضحة.. دى حكمة ربنا أن منبقاش شايفين كل حاجة.. لكن فيه يوم تانى هنشوف فيه كل حاجة.. واليوم ده طال أو قصر الزمان جاى، ويتبقى كل عمل طيب الناس ممكن تعمله لنفسها أو لغيرها.. وبنعتبر اليوم ده والاحتفال فرصه لينا لحاجتين.. الحاجة الأولانية أن احنا نشوف عظمة ربنا وقدرته فى خلقه.. وكمان التمن اللى احنا المفروض نقدمه شكر وتقدير للى احنا فيه.. النقطة التانية يا ترى احنا هنعمل إيه فى اللى احنا بنتكلم عنه النهاردة وبنحتفل به؟.. هنزهق هنضايق وهنغض الطرف وملناش دعوة؟!.. ولا نتصدى؟!.. طيب حتى لو كانت ظروفنا مش قد كده لكن ممكن بالقلب".

الرئيس السيسي يشهد احتفالية قادرون باختلاف 

أضاف الرئيس السيسي: "احنا قلبنا يبقا على قلب بعض ونساعد بعض، ونقف على قد ما نقدر حتى لو بكلمة مع كل اللى احنا بنشوفه.. ونساهم بكل فعل وأمر وحتى موارد.. ويمكن أنا حاطتها فى الكلام بتاعى.. لكن علشان كان فيه واحنا بنتفرج جت لقطات من احتفالات سابقة.. وكنا سامعين "اهالينا" خايفين..وقلت ساعتها ازاى مخاليق ربنا اللى مبنشوفهاش تحت الأرض وكل حتة رزقها مكفول وحياتها مكفولة.. لأن احنا مش احنا اللى نقول ونقدر نعمل إيه؟ هو عامل ومخلص وعامل كل شيء بعظمته وقدرته.. فمحدش يتصور يضيع وهو موجود..سبحانه وتعالي.. محدش يتحط جنب اسمه أبدا.

تابع الرئيس: "فى دور علينا وإلا ربنا مش هيجازينا خير.. فى دور علينا كمجتمع وحكومة ومسؤولين تجاه كل شيء.. دور للدولة وخلصنا موضوع قانون الصندوق".

وجه الرئيس حديث لرئيس الوزراء قائلا: "اسمحلى دولة رئيس الوزراء جتلك الفلوس؟ واتحولت خلاص؟.. ومازح محافظ البنك المركزى قائلا: "اول مرة اشوفك بتضحك؟.

تحدث الرئيس السيسى عن "صفقة رأس الحكمة"، قال: أن الأرقام التى أعلنتها الحكومة بشأن قيمة صفقة "رأس الحكمة" وصل جزء منها إلى البنك المركزى اليوم، وسيدخل جزء آخر مثله يوم الجمعة المقبل للبنك، وعلق قائلا: "ده من فضل ربنا سبحانه وتعالي".

كلمة الرئيس السيسي في احتفالية قادرون باختلاف 

وأضاف الرئيس السيسى، فى كلمته بختام احتفالية "قادرون باختلاف": "لازم أوجه الشكر لأشقائنا فى الإمارات وعلى رأسهم فخامة رئيس الدولة الشيخ محمد بن زايد، ومش سهل جدا فى العالم حد يضع 35 مليار دولار فى شهرين، لكن ده شكل من أشكال المساندة والوقوف والدعم بشكل واضح، والقرار تم اتخاذه فى ثانية وبدون إحراج".

وتابع الرئيس السيسي: "أسجل موقف خاص للإمارات لأن الظرف الاقتصادى لمصر صعب منذ أزمة كورونا، وكل إجراء وكل أزمة تحدث فى أى مكان يكون لها تأثير علينا.. إحنا ظروفنا صعبة وعايزين نعمل حاجات كتير لكن ظروفنا كده".

"دائما احنا شفافين وصادقين فى طرح الموضوع من غير ما نخبى حاجة.. والدكتور مصطفى مدبولى تحدث عن الموضوع وشرحه.. ومش يصح نخدعكم.. واتكلم عن شكل الشراكة وشكل المشروع اللى بنتكلم فيه بمساحته والإجراءات اللى هتعمل خلال الشهور والسنوات القادمة".

بنتكلم عن أكبر مشروع سياحى على البحر المتوسط.. ده كلام اتقال وانا بأكده.. والوقت أن ربنا يساعدنا احنا والأشقاء فى الإمارات.. بنتكلم على مدينة فيها حياة مستمرة بأنشطة مستمرة بشكل كامل على مدار العام".

وأردف الرئيس السيسي: "أزمة غزة نتمنى تنتهى فى أسرع وقت ونحن نحرص ما أمكن على التخفيف على الأشقاء فى قطاع غزة، فيه أوقات الصراع فى كلام كتير بيتقال بعضه صادق وغيره مش حقيقي.. لكن نحن كنا حريصين على أن يكون منفذ رفح فرصة وسبيل ومسار لتقديم المساعدات والإغاثة رغم صعوبة الأمر.. نحن ناس بفضل الله سبحانه وتعالى شرفاء وأمناء ومخلصين فى وقت مافيش فيه كتير كدا.. لا نكدب ولا نتآمر.. هنروح من ربنا فين".

جهود الدولة المصرية فى دعم القضية الفلسطينية

تحدث الرئيس عبد الفتاح السيسى عن جهود الدولة المصرية فى دعم القضية الفلسطينية، قائلا: "خلال 4 شهور اتقال كلام كتير وقولت الكلام قبل كده والحكومة بتقوله ووزير الخارجية بيقوله كتير.. مصر ابدا ابدا لم تغلق معبر رفح.. علشان نعمل حاجة فى أوضاع كده واقتتال.. لازم نخلى بالنا مش يحصل مشكلة واحنا بنعمل الإجراء.. حبيت أشير للنقطة دي.. خلال الأيام البسيطة يا رب نصل إلى وقف إطلاق النار ونبدأ إغاثة حقيقية لأهالى قطاع غزة.

وأضاف الرئيس السيسى، "أؤكد أن احنا مستمرين ونستمر فى الدعم والمساندة للقضية الفلسطينية حتى نصل إلى دولة فلسطينية على حدود 67 وعاصمتها القدس الشرقية.. طولت عليكم كنت لازم ابدا بكده".