لطفي لبيب:«أنا زعلان على الكوكب كله.. احنا عايشين في عصر ببشتكة»
حل الفنان لطفي لبيب،ضيف في برنامج قناة المحور، مع الإعلامي خيري رمضان، برنامج «مع خيري».
قال الفنان لطفي لبيب:«احنا اليومين دول عايشين في عصر شبيه ببشتكة الدومينو،نعيش عصر البشتكة لإن الدنيا كلها بتتغير والمناخ والاقتصاد بيتغير والجغرافيا بتتغير، بس التاريخ عمره ما يتغير».
وتابع:«أنا زعلان من الكوكب لإنه عامل مشاكل في بحر الصين ومضيق المندب والسودان والنيجر وأوكرانيا وطبعا غزة دي حكاية لوحدها،ربنا مبيغضبش أبدا على ناسه ولو الناس أفسدت في الأرض هما اللي بيتحملوا مسئولية الإفساد، ربنا مبيقدمش الا كل خير، فمش عارف ايه اللي بيحصل في البشتكة اللي بتحصل دي».
ولفت:«أنا قطرة من بحر مش عارف فين الميناء بتاعته، كلنا دلوقتي نفتقد الرؤية معندناش الرؤية المستقبلية ومش عارفين بكرة فيه ايه، المتغيرات كتيرة جدا بس لازم نكون واثقين جدا اننا هنعدي بقوة وأي حرب حصلت في مصر إلا ويأتي بعدها رخاء».
وتابع الفنان لطفي لبيب، أنه لا بد أن نثق في اننا سوف نصل إلى مرحلة الرخاء، مؤكدا أنه أسس أول مسرح في الإمارات، مؤكدا أن أسمه مكتوب في موسوعة الشارقة.
جوجل نيوز
