"خلصلي الطلب أجبلك وز وبط وعسل.. بس لا تعرفني ولا شفتني".. كلمة السر في رشوة مستشار وزير التموين

ينفرد موقع بصراحة الإخبارى بنشر النص الكامل في القضية رقم  3173 لسنة 2023 حصر امن دولة عليا ، الشهيرة إعلاميا بقضية رشوة مستشار وزير التموين “أ.م”
خطورة القضية وأهميتها تأتى من دلالات القبض على المتهمين فيها ، فالمتهم الأساسي أحمد مهدى جرى القاء القبض عليه من مكتبه بمقر وزارة التموين بالعاصمة الإدارية الجديدة وهو المكتب الذى يبتعد خطوات قليلة عن مكتب وزير التموين الدكتور على مصيلحى.

أهمية القضية أن أوراقها تكشف معلومات خطيرة عن مافيا الفساد داخل وزارة التموين الذى تسبب في التلاعب بأسعار السلع الغذائية الأساسية للمواطن المصرى وتحديدا " السكر "  ، وهو ما يظهر في عشرات المحادثات الهاتفية التي تم تسجيلها لمستشار الوزير وباقى المتهمين بإذن من النيابة العامة وتكشف الاتفاق على رشوة مالية كبيرة بالجنيه المصرى وبالدولار مقابل تسهيل منح حصص من السكر  بأرقام كبيرة جدا  بالمخالفة للقانون وبالتحايل على كافة اللوائح المنظمة لذلك .

  
موقع بصراحة كعادته ينفرد بنشر النص الكامل للقضية سواء محاضر الضبط أو التحريات الأولية وكذلك التفريغ الكامل للمكالمات الهاتفية وأيضا محاضر استجواب المتهمين ومحاضر التحقيق معهم بالنيابة العامة ، وجميعها أوراق تكشف دور الدولة المصرية في الضرب بيد من حديد على كل فاسد ، وتكشف في المقابل كيف يتلاعب كبار الموظفين ويستغلون صلاحياتهم في تحقيق أموال طائلة بالمخالفة للقانون .

وضمت أوراق القضة العديد من المحادثات الهاتفية بين أ. م مستشار الوزير لشئون الرقابة والتوزيع وأحد المتهمين ويدعى "ح .ع " 
والتي شملت أحدايث عن المصالح التي سيقضيها مستشار الوزير للمتهم مقابل مبالغ مالية كرشوة.

وجاءت نص المحادثات كالأتي

بتاريخ ٢٠٢٣/٥/٩ وردت محادثة هاتفية بين كل من أ. م" و"ح ع" يطلب فيها المتهم من مستشار الوزير ألا يخبر أحد انه توجد علاقة بينهما وجاء نصها كالأتي " والنبي متقولش بقى اني اعرفك" فقاطعه الأول "لا ياعم هو انا عيل ولا ايه انا مبشوفكش ولا اعرفك ولا قابلتك ولا حاجه " فرد الثاني " اعتبر دي بقى الدمغة اللي عرفتك بيها " فقاطعه الاول "بس دمغة جامدة اوي يا حج فقال الثاني " اوى اوى " فقال الأول " طب ليه دا كله" فرد الثاني " مش عاوز اعرف الشركاء علشان ميزعلوش علشان كدا بقولك خلاص " فقاطعه الأول " كدا في إساءه ليا انا شخصياً " فقاطعه الثاني " يا عم خلاص بقى في مثل عندنا في الفلاحين بيقولك اعرف صاحبك وعلم عليه وخلاص " فرد الاول " المهم محدش يجيب سيرتنا بالوحش " فقاطعه الثاني " ربنا يسترها انت راجل محترم يا باشا " فرد الأول " ربنا يديم المعروف ولينا عندك اكله فطير منو في " .

محادثة هاتفية  بتاريخ ٢٠٢٣/٥/١١ تضمنت الحديث في العديد من الأمور ثم أردف المتهم الأول مستشار الوزير  سائلا " بتشتغل في السكر ؟ " فأجاب الثاني " عندى مصنع بسكويت بس بشترى من برة " فقال الأول " في ٥٠٠ طن على ١٨٢٠٠ والاذن بتاعهم جاهز " فقال الثاني " مصنع أيه ؟ " فأجاب الأول "الفيوم " فقال الثاني " طب هشوف حد كدة من الفيوم " ثم استكملا الحديث ثم أردف الثاني " طب انا هشوف كدة وارجعلك حتى بقى لوخت ۲۰۰ ولا حاجة " فقال الأول " شوف كدة حد يخدهم معاك " فقال الثاني " حاضر " ثم استكملا الحديث ثم اردف الأول " هترد عليا امتى " فقال الثاني " اديني ساعة بالضبط ".

محادثة هاتفية بتاريخ ٢٠٢٣/٥/١١ تضمنت الحديث في العديد من الأمور ثم أردف الثاني قائلا " معلش انا اخرت عليك لما الراجل رد عليا كان تليفونه مغلق الموضوع اللى انت قولتلى عليه " فقال الأول " قالك ايه ؟ " فقال الثاني " بيقولى ماشى بس بيقول اهم شي الراجل يكون مضمون علشان هدفع تسعة مليون وربع " فقال الأول " مهو معاه الوصل هيدفع هناك " فقال الثاني " هيدفع فين ؟ " فقال الأول " هيدفع في الشركة ويستلم " فقال الثاني " مهوهيدفع هناك هيطلع السكر باسم الراجل هيطلع باسمه" فقال الأول " مش مشكلة ما هو اللي هيحمل " .

محادثة هاتفية  بتاريخ ٢٠٢٣/٥/١٢ تضمنت الحديث في العديد من الأمور ثم اردف الأول " انا مبسوط ان في ود وفي كلام مش احسن من اى حاجة ثانية انا بحب معرفة الرجالة " ثم استكملا الحديث ثم اردف الأول " انا متفاظ عشان اسمى جيه في الموضوع انا عمري ما عملتها في حياتي بس انا متضايق من الموضوع ده " ثم استكملا الحديث ثم اردف الأول " وهتأكلنا الفطير أمتى ؟ " فرد الثاني " مهوانا بس يجهز ليك العسل والجبنة القديمة " فقال الأول " ايوة كدة روق الدنيا نبقى واكلين عيش وملح " فقال الثاني " ان شاء الله " فقال الأول " انا بضحك وما تعملش كميات " فقال الثاني " سيبها على الله ده كله بسيط ".

محادثة هاتفية  بتاريخ ٢٠٢٣/٥/١٦ تضمنت الحديث في العديد من الأمور ثم اردف الثاني " الطلب اللى انا قولتهولك جاهز ابعتهولك فين ؟ " فقال الأول " أمتى ؟ " فقال الثاني " جاهز ساعة ساعة ونص يكون عندك " . " فقال الأول يا راجل " فقال الثاني " ما انت ما تتغداش عشان تتغدى منه " فقال الأول " دلوقتي هييجی انرای دا انا دلوقتی مروح و عندى حالة وفاه عزاء بالليل " فقال الثاني " ولا تشغل نفسك بحاجة لو سمحت ممكن تديني انت عاوز توديهم فين وانا اوديهم اصل السواق بتاعى اللى هيروح يعنى السواق تحت امرك قوله يروح يمين روح شمال " في " فقال الأول " طب هييجي يوصل الـ ل الساعة كام ؟ " فقال الثاني " انا بقى هو ديهولك ما تشغليش نفسك روح مكان ما تروح قبل سبعة يكون عندك في البيت " فقال الأول " مدينة نصر ؟ " فقال الثاني " أه ما تغليبش نفسك بقى " ثم استكملا الحديث ثم قال الثاني " قسمناهم حاجتين نرى ما انت قولت هو حط العسل والجبنة مع بط مع ه فطيرات دى كرتونة لوحدها والناحية الثانية حط ١٠ مع عسل مع جبنة " ثم استكمل الكرتونة الثانية الضعف على طول " فرد الأول " تمام كدة يا حج " فقال الثاني " هيروح مكان واحد ولا مكانين " فقال الأول " لما ييجى انا هديله العنوان الثاني " ثم استكملا الحديث.

محادثة هاتفية بتاريخ ٢٠٢٣/٥/١٦ تضمنت الحديث في العديد من الأمور ثم اردف الثاني " هو هيتحرك من المنصورية الساعة ستة هيكون عندك بالكتير " ثم استكملا الحديث ثم اردف الثاني " هو اسمه "م ف" وهيكلم حضرتك على التليفون " فقال الأول " هو عارف انه هيروح هنا وهنا " فقال الثاني " يا باشا ما بقولك حاجة ده كله ببلاش ما انت وفرت " ثم استكملا الحديث بتاريخ ٢٠٢٣/٥/١٦ وردت محادثات  تضمنت سؤال الأول عن مكان تواجده حيث أجاب الثاني بانه متواجد عند مدينة نصر عند حى السفارات حيث افاد الثاني بأنه بالطريق إليه هذا وقد تبين ان مستخدم الهاتف "م ف" ويعمل فني صيانة بشركة الرضا للمطاحن والمخبوزات.

محادثة هاتفية بتاريخ ٢٠٢٣/٥/٢٢ تضمنت سؤال الاول للثاني " محدش بيسمع صوتك ليه ؟ " فرد الثاني " كل شويه حد يقولي التموين هنا كل شويه في عميد اسمه محمد اشرف هو محدش جالي " فقاطعه الاول " محدش يقدر يجي ناحيتك متقلقش اي حد يجيلك كلمني وملكش دعوه " واستكملا الحديث في اسعار المنتجات حتى اخبره الثاني " عاوز ابعت الحاجات دي للحاجة بس خلي بالك علشان مزود ـ شويه لو ودينا هناك في مدينة نصر " فقاطعه الاول " ودي هناك ومدينة نصر لا مش عاوز دلوقتي " فرد الثاني " طيبها عينهم هنا لو احتجتهم في اي وقت بكره ان شاء الله او بعده لما السواق يجيلي هخليه يظبط ويوديه هناك اللي هو ساكن في فيصل " فقاطعه الأول " اوك " واستكملا الحديث حتي اخبر الاول الثاني " كنت عند الراجل بتاع المقلة امبارح اشتريت حاجات من هناك حاجات بسيطه كدا حلويات بتاعة العيال " فقاطعه الثاني " خلي بالك المحل دا بتاعي لو انت روحت قولهم "ع. ع" دا الاسم الحركي ليا اسمين اسم في البلد اي حاجه هناك دي بتاعتي انا علشان خطري متعملش تكليف ابقى اديني رنه وانا هكلم الراجل اللي هناك " فقاطعه الأول " انا اخدت
حاجات ب ۱۰۰ ولا ۲۰۰ حاجات بسیطه اسال عليا وانت تعرف " واستكملا الحديث في بعض امور العمل .

محادثة هاتفية بتاريخ 2023/5/30 تضمنت اخبار الثاني للاول انه شغال على السودان وسأل الثاني الاول " بالنسبة للسكر في ناس بتصدر سكر السودان وبياخدوا استثناء وكدا " فقاطعه الاول " عاوز ايه " فرد الثاني "عاوزين ٥ الاف طن ولا ١٠ الاف طن ناكل عيش " فقاطعه الأول "حاضره الاف من شركة ايه انا مقسمهم شركات " فرد الثاني " تنصحني بايه ؟ " فقاطعه الأول " هو انت بتصدر
بموافقات " فرد الثاني " انا بصدر دقيق ومكرونه مصدرتش سكر " واستكملا الحديث في ذات المضمون
بخصوص تصدير السكر حتى اخبر الأول الثاني " قدم طلب للوزير " فرد الثاني " عاوزين دعم يا معالي الباشا " فرد
الاول " ماشي قدم طلب وانا اخلصهولك ونشوف بعد كدا نجيب منين الشركات " فقاطعه الثاني " اهم شئ التاشيرة
معاليك اللي تسمح لينا ان اننا نصدر " فرد الاول " هاتلي طلب باسم الوزير ونحاول نخلصهولك بالموافقة علي التصدير وبعد كدا يحلها ربنا " في ) " فقاطعه الثاني " ان شاء الله السواق بتاعي رايح يودي المكرونه " فقاطعه الأول " انا هناك النهاردة " فرد الثاني " طب هما محتاجين حاجه تاني من هنا " فرد الأول " تسلملي في ايه عندك " فاجابه الثاني " عندي البسكويت والمكرونة والدقيق " فرد الاول " ابعتلي بسكويت كرتونة مشكلة " فرد الثاني " ماشي " .

استمرار مستشار وزير التموين والقائم بأعمال رئيس قطاع الرقابة والتوزيع بوزارة التموين مبالغ مالية وعطايا عينيه على سبيل الرشوة من "ح ع" صاحب ومدير وشريك في العديد من مطاحن الدقيق ومصانع المكرونة والمخابز مقابل تسهيل إجراءات حصوله على حصص تموينية مختلفة بكميات كبيرة من الجهات التابعة لوزارة التموين.

بتاريخ ۲۰٢٣/٦/١٣ وردت محادثة هاتفية تحدثا في عدة أمور ثم أردف الثاني قائلا " الولاد يعملوا الطلب ده امتى " فقال الأول " وقت ما تحب " ثم استكملا الحديث ثم اردف الثاني " هما هيحتاجوا عسل وجبنة والحاجات دى " ثم استكملا الحديث ثم اردف الثاني " خلاص یعنی ابعت ليهم دلوقتي وابعت البط " فقال الأول " ما خلاص بقى سيبك من البط " ثم استكمل " طب ابعت البط ني " ثم استكملا الحديث ثم اردف الثاني "لا نعمل لهم بط و حمام طالما ني يسووه عندهم وخلاص" ثم استكمل قائلا الموضوع الثاني محمود عبد الحكم اخويا أبو عصام انا روحت النهاردة عملت خطاب ضمان في بنك مصرب ٥٠٠ الف جنيه لصالح هيئة السلع التموينية بالف طن قمح ديورة وكان عصام عايز تقدمه بكرة في المكتب عند سيادتك " فقال الأول " طب ما يجى يقدمه بكرة عشان نخلص ويجيب طلب محتوم من الشركة" ثم استكملا الحديث ثم اردف الثاني " هو هييجي لسيادتك بكرة " فقال الأول " يجيلى على الساعة واحدة ولا حاجة " ثم استكملا الحديث ثم اردف الثاني " عشان نلحق نلم شوية قمح عشان الناس كلها عمالة شغالة تلم قمح " فقال الأول " ماشي " ثم استكملا الحديث .
بتاريخ ۲٠٢٣/٦/١٣ وردت محادثة هاتفية  تضمنت الحديث في العديد من الأمور ثم سأل الأول " . مين هيجيلي بكرة ؟ " فرد الثاني " . "ع ع" أخويا -فسأل الأول " الساعة كام هييجي " فقال الثاني " ما انت فـ قولت لسيادتك الساعة ٩ ونص معاليك " فقال الأول " البتاع هيبقى أمتى ؟ " فقال الثاني " والله ممكن اكلم الحاجة ممكن تخليه الأسبوع ده يوم الخميس ولا حاجة كدة ولا ايه رايك أنت ظروفك أنت إية " فقال الأول " ولا السبت " فقال الثاني " اللي انت عايزه تحت امرك " فقال الأول " خليه السبت هتعمل ايه بقى ؟ " فقال الثاني " اللي انت عايزه بقى عايز تزود عايز تعمل ايه " فقال الأول " زى المرة اللي فاتت " فقال الثاني " یعنی عايز ١٠ هنا وه هنا بس ولا اخليهم ١٠ و ١٠ " فقال الأول " خليهم ١٠ و ٦ " فقال الثاني " حاضر حاضر والله احنا كدة كدة معاك لحد يوم السبت " فقال الأول " لا ١٠ و ٦ " فقال الثاني " حاضر وشوف برضو العسل انا هجيب والجبنة القديمة مفيش مشاكل هما قالولى وزى اللى موجود مش بط على فكرة " فقال الأول " انا ما كلتش وز قبل كدة " ثم استكملا الحديث ثم اردف الثاني " اظبط لهم في فيصل ٢ ومدينة نصر ٢ ولا
اعمل ايه " فرد الأول " أه أه أه " .
بتاريخ ٢٠٢٣/٦/١٧ وردت محادثة هاتفية حيث قال الأول " الورق مشى والحاجة مشيت " فقال الثاني " مشيت أزاى " فقال الأول " خدت الموافقة من الوزير وسلمت الجواب وهبعته للهيئة دلوقتى خطاب الضمان " فقال الثاني " بعد كدة الاجراء ايه " فقال الأول " هنبعت ليك جواب تنفيذ " ثم استكملا الحديث ثم أضاف الثاني قائلا " الواد هيطلع دلوقتى و هيطلع على مدينة نصر الأول " فأضاف الأول " كدة كام وكام ؟ " فقال الثاني " هنا وزتين وعسل وهنا وزتين وعسل ."