«أنا بتحرم من الخروج معاهم».. زينة تكشف سبب عدم ظهور أولادها على السوشيال ميديا

كشفت الفنانة زينة، عن سبب عدم ظهور أولادها عز الدين وزين الدين، على مواقع السوشيال ميديا المختلفة، مشيرا، أن الأطفال بيكونوا حساسين من ناحية الحسد.

زينة تكشف سبب عدم ظهور أولادها على السوشيال ميديا

وقالت زينة في لقائها مع الإعلامية فاطمة مصطفي على راديو 9090:«عيالي مش مطالبين أنهم يظهروا على السوشيال ميديا، وبتضايق لما حد يقولي وريني ولادك، أنت مالك؟ هو أنا طلبت منك توريني ولادك؟ دي حاجة خاصة والولاد بيكونوا حساسين أوي ناحية الحسد، وأنا بتحرم من إني أنزل وأخرج معاهم وبخاف عليهم أوي، والجمهور له عندي شغلي مش حياتي الخاصة».

وأوضحت:«أنا بجاهد أن ولادي ميتصوروش غصب عني، وأن هما أساسًا عايزين يظهروا، قولتلهم كريستيانو معاه فلوس تصرف على الكومباوند اللي ساكنين فيه، ولكن ابنه معندهوش تليفون، فأنا بحاول طول الوقت أقلل وجود الحاجات اللي دخلت بوظت حياتنا».

أعمال زينة

الجدير بالذكر أن زينة يعرض حاليا لها في السينمات فيلم «الإسكندراني»بطولة كل من الفنان أحمد العوضي، بيومي فؤاد، تسنيم مطر، حسين فهمي، رحاب الجمل، محمود حافظ، وغيرهم، والعمل من إخراج خالد يوسف.

وتدور أحداث فيلم «الإسكندراني»،حول بكر هذا الشاب ابن الإسكندرية، الذي يخوض صراعات عديدة مع والده، وابن عمه وحبيبته، وبسبب تلك الأزمات يقرر السفر إلى الخارج، بحثًا عن حياة جديدة، وعندما يعود تتجدد الصراعات وتطارده من جديد، ويمر بالعديد من المواقف والأزمات.