أمير طعيمة يهاجم منتقدي محمد صلاح: «جاي من منظومة ماشية بالساعة لمنظومة فاشلة»

هاجم الشاعر أمير طعيمة منتقدي إصابة محمد صلاح وذهابه إلى ليفربول وتركه معسكر منتخب مصر أثناء بطولة أمم أفريقيا، وجاء ذلك بعد إعلان يورجن كلوب المدير الفني لفريق ليفربول بإستبعاد «صلاح» من مباراة تشيلسي وأرسنال بسبب الاصابة.

وقال أمير طعيمة عبر «فيس بوك»: «أوعى تفتكر أن اللي اتهموه بالهروب هيعتذروا، أو اللي اتهموه بإنه سليم وبيدعي الأصابة هيعتذروا، أو اللي لما اتأكدوا من إصابته اتهموه انها إصابة بسيطة تتعالج في يومين لان كل واحد فيهم كان تنين في الملاعب، واللي لعب وهو رجله مكسورة واللي لعب وهو واحد طلقة في دماغه، إوعي تستناهم يعتذروا لأن مفيش تنين بيعتذر».

وتابع: «احنا بنعرف نهدم بس ومستكترين على نفسنا يبقي عندنا لاعب في ثانية ممكن يفوز بالبالون دور وهو أكتر حد محتاج يفوز ببطولة مع المنتخب على الاقل عشان نفسه، واحد جاي من منظومة ماشية بالساعة مطلوب منه ينجح بمفرده منظومة فاشلة وغبية ده لو ينفع نسميها منظومة أصلا».

يذكر أن يورجن كلوب مدرب ليفربول أعلن غياب محمد صلاح عن مباراتي الفريق ضد تشيلسي وأرسنال في الدوري الإنجليزي بسبب الإصاب، وأنه حاليًأ في مرحلة التأهيل ولا يعلم موعد عودته للملاعب.