زوج يرثي زوجته بكلمات مؤثرة بعد وفاتها: مفيش حياة بعدك

حرص طبيب على رثاء زوجته، التي فارق الحياة منذ 30 يوما، بكلمات مؤثرة، تداولها رواد السوشيال ميديا بشكل واسع، معبرين عن حزنهم بحالة الزوج الذي ودع زوجته بطريقة أثرت القلوب.

وكتب الزوج ويدعى :محمد حسن نصر"، عبر حسابه الرسمي بموقع التواصل الاجتماعي “فيسبوك” :" 30 يوم علي وفاتك يا حبيبتي ولحد دلوقتي مش قادر استوعب ولا اصدق انك مش معايا ولا جنبي".

وتابع :" كل ثانيه بدعيلك فيها وكل ثانيه بتعدي عليا سنه من الالم ووجع القلب اللي مفيش حاجه توصفه الا انه ابشع الم تحس بيه، الم ان  حبيبتك واغلي حد عندك وروحك نفسك تشوفها ولو ثانيه او تسمع صوتها ومش قادر .. الم انك تقف علي قبرها وشايف اسمها وانت عقلك مش قادر يستوعب ان كل ده في ليله ويومها".

وأضاف :" الم انكم جايين مع بعض في طريقنا للبيت  جايين من بيت ربنا وبتتكلم معاك وتهزر معاك  وفجأه تروح منك .. كل تفصيله في حياتنا هي فيها بحنيتها وجمالها ورقتها وخوفها علينا وحبها لينا .. كنت دايما اقلها كل واحد ليه رزقه في الدنيا .. وانتي رزقي في الدنيا .. انتي اجمل حاجه ربنا ادهالي".

واسترسل :" بس الحمد لله ربنا عاوز هديته تاني ومنقدرش نقول غير .. انا لله وانا اليه راجعون .. كل اللي بتمناه من ربنا وبدعيله انه يجمعني بيكي في جنته ، بس لما اشوفك هنكون مع بعض في دار الحق من غير موت تاني .. هاحضنك واقلك ان مكنش فيه حياه بعدك".

وأضاف :" هاقلك انك احسن حد قابلته في الدنيا .. وانك اجمل وارق حد عيني شافته .. انتي حبيبتي وهتفضل حبيبتي طول ما انا موجود .. حتي لو بشوفك ثواني وروحي بتقابلك في المنام".

واختتم :" اللهم ارحم زوجتي واغفر لها ووسع قبرهاوادخلها الجنه برحمتك بدون حساب .. اللهم اربط علي قلوبنا وصبرنا واعفو عنا".