محمد ممدوح يتغنى بالدحيح: فخر العرب الحقيقي

حرص الفنان محمد ممدوح على الإشادة بصانع المحتوى واليوتيوبر أحمد الغندور الشهير بـ "الدحيح"، وذلك بعد حديث الدحيح  في قمة المليار.

نشر محمد ممدوح فيديو الدحيح، وكتب: " بالنسبالي الدحيح هو فخر العرب الحقيقي حتى الان.. شكرا غندور وشكرا فريق عمل برنامج الدحيح بالكامل."

الدحيح في قمة المليار

ويقول الدحيح في الفيديو: "عارفين إيه اللي يميزنا كعرب؟ مش لون بشرة معينة أو شكل معين، ولكن ما يميزنا الحديث باللغة العربية. "عرب" جاية من "يعرب"، يفصح، يقول شعر، يقول أدب. عشان كدة المهم جدا إن زي ما عندنا أطباء ومهندسين ومؤثرين عالميين، يبقى عندنا صناع محتوى عالميين يقدروا يحكوا قصصنا وسرديتنا للعالم عن نفسنا وعن العالم".
 

محمد ممدوح يثير الجدل: خسيت 45 كيلو وقعدت 17 يوم بشرب مياه بس
 

وفي سياق آخر، كشف الفنان محمد ممدوح تفاصيل حميته الغذائية، والتي تسببت في فقدانه 45 كيلو من الوزن، وذلك خلال حواره مع الإعلامية إسعاد يونس في برنامج "صاحبة السعادة" المذاع على شاشة DMC.

وقال محمد ممدوح :" استمريت على صيام المياة حاجة اسمها صيام المياة وانا مكنتش اعرفها قبل كدة واللي شجعني عليها مدير اعمالي وهي أنك تصوم لكن تشرب مياة بس".
وتابع:"انا قعدت 17 يوم بشرب مياة بس ومكلش خالص واحنا كنا في تجمع في فندق ومعانا دكاترة بيراقبونا ويشوفوا السكر والضغط وكانت تجربة حلوة جدا واي جوع أو صداع اشرب مية ودة كان من سنين وبسببه فقد وزن كتير ولغاية دلوقتي بشرب مياة كتير."