«متزعلش مني وحقك عليا».. رسالة الشهيد منسي المفاجئة من جنة الخلد إلى صديق عمره
![الشهيد منسي وصديقه رأفت بلاط الشهيد منسي وصديقه رأفت بلاط](https://media.besraha.com/2023/8/large/1/3/761.jpg)
"أنا شوفت القائد منسي وعاوز أقولك رسالة من القائد"، بهذه الكلمات فوجئ المحامي رأفت بلاط، برسالة خاصة من صديقه المقرب الشهيد العقيد أحمد منسي، قائد ملحمة البرث، بعثها له مع شخص غريب، تعرف على الشهيد منسى من خلال مسلسل “الاختيار”، وتمنى رؤيته، وهو ما حدث بالفعل بحسب الرواية المذكورة.
![](https://besraha.com/UserFiles/NewsInnerImages/2021/04/12/11194/منسي_20210412103639.jpg)
وفي رسالة عبر تطبيق الرسائل النصية "فيسبوك ماسنجر"، أخبر طارق نادي حامل الرسالة تفاصيلها لبلاط، قائلًا: "أنا شوفت القائد منسي وعايز أقولك رسالة منه"، وتابع: "بيقولك متزعلش مني، حقك عليا وأنا أسف، ومش عايزك تزعل، افرح واضحك كده، وقعد يضحك، وبيقولى قربت ومشي بسرعة".
![](https://besraha.com/UserFiles/NewsInnerImages/2021/04/12/11194/منسي1_20210412103651.jpg)
ويكمل طارق: "سبحان الله أنا بعت لحضرتك طلب الصداقة من فترة، وأول ما شوفت القائد منسي حضرتك قبلت الطلب"، وبدأ طارق بناءًعلى طلب صديق منسي المقرب، في سرد تفاصيل تعارفه على الشهيد منسي والسبب وراء لقائه فى المنام دون غيره، قائلًا: "الحكاية بدأت من أول يوم فى رمضان اللى فات، يعني بصراحة سمعت مسلسل الاختيار، وحسيت أني اتولدت من جديد".
![](https://besraha.com/UserFiles/NewsInnerImages/2021/04/12/11194/منسي_2_20210412103707.jpg)
وأكمل: "بعد ما عرفت القائد منسي دعيت ربنا أني عايز أشوفه، ومن وقتها وأنا مستني أني أشوفة لكن ربنا استجاب لدعوتي امبارح"، وبدأ فى سرد الحلم بتفاصيل أكثر،قائلًا: "بداية الحلم: أنت عامل أيه وطمني عليك يا بط،ل قولتله الحمدلله يا قائد، وأنا سكت من الدهشة،بيقولي مالك يعني سكت، قولتله أنا أعرف عنك أكتر وأكتر".
![](https://besraha.com/UserFiles/NewsInnerImages/2021/04/12/11194/منسي_3_20210412103720.jpg)
وأضاف منسي فى الحلم -وفقا لرواية طارق-: "أنا هقولك على صديق عمري الأستاذ رأفت، وعايزك تكلمه وتتعرف عليه، وتبقى صديقه مكاني"، ويتابع نادي: "أنا استغربت بصراحة من الجملة دي"، ليكمل ما قاله الشهيد منسي:" هو هيقولك عني كل حاجة"، وطلب الشهيد أن يبلغ صديقه رسالة، قائلًا: "عايزك توصله الرسالة دي مني علشان هو زعلان أوي.. قوله متزعلش مني حقك عليا، وأنا أسف ومش عايزك تزعل وافرح وأضحك وقعد يضحك ويقولي قربت".
![](https://besraha.com/UserFiles/NewsInnerImages/2021/04/12/11194/منسي_4_20210412103732.jpg)
![](https://besraha.com/UserFiles/NewsInnerImages/2021/04/12/11194/منسي_6_20210412103746.jpg)
![](https://besraha.com/UserFiles/NewsInnerImages/2021/04/12/11194/منسي_5_20210412103746.jpg)
ونشر رأفت بلاط صور من الرسائل بينه وبين حامل الرسالة، وعلق عليها قائلًا: "يا مراضى العباد يا رب العباد... وشكرالصاحب البشارتين.. أول مرة تجيلى رسالة صريحة منك يا منسي".
![](https://besraha.com/UserFiles/NewsInnerImages/2021/04/12/11194/صديق_منسي_20210412103759.jpg)
وتابع: "البشارة الأولى.. أنك حاسس بيا..البشارة التانية.. أن اللقاء قرب..إن شاء الله.. أى نعم مش مباشرة ليا..يعنى أنت برضه مجتش لى أنا..لكن كالعادة.. بتروح لحد غيرى تبلغه رسالتك.. لكن أول مرة تكون صريحة كدهيا صاحبى.. مش قادر يا صاحبى ما أزعلش.. أنت فعلًا أخليت بوعد قطعناه لبعض.. مع بعض، نعيش سوا، ونمشى سوا".
ويعتبررأفت بلاط هو الصديق الأقرب والمحبب للشهيد أحمد منسي، وهي العلاقة التى حرص على إبرازها بشكل كبير صناع عمل مسلسل “الاختيار”.