"خبطة في بداية العمر".. محمد هنيدي يتحدث لأول مرة عن وفاة صديق عمره علاء ولي الدين

كشف الفنان محمد هنيدي، لأول مرة عن كواليس وفاة صديق عمره الراحل علاء ولي الدين، وذلك خلال حلوله ضيفًا على برنامج "Sold Out" تقديم الإعلامي محمود سعد ويُعرض على قناة "CBC".

وقال "هنيدي" عن علاقته بالفنان الراحل علاء ولي الدين قائلا: "جملة الحاضر الغائب مكناش بنفهمها زمان لكن فعلا مش لازم يبقي حاضر لكن بيبقى طول الوقت في المواضيع والحكايات وكانت خبطة كده في بداية العمر ولما عرفت بوفاة علاء قعدت فترة مكنتش فاهم حاجة وما اعتقدش حد هيجى زيه تاني ومحدش هيملى المكان ده".

محمد هنيدي يتحدث لأول مرة عن وفاة علاء ولي الدين 
 

واستكمل: "اتقابلنا أنا وعلاء في المعهد العالي للفنون المسرحية وكل الناس بتقوله في واد صغير كده دمه خفيف وأنا بيقولولي في واد تخين دمه خفيف واتقابلنا وكل واحد كان عاوز يطلع اللي عنده وكان دمنا تقيل أوي والليلة دي روحت بت عنده ومن يومها يا عنده يا عندي، وأنا عرفت علاء فوق ال20 سنة واللي معوض غيابه شوية أخوه معتز وبقيت أشوفه علاء فيه في كل حاجة".

هنيدي: أبويا زمان كان اسمه "محمد هنيدي"

وتطرق "هنيدي" لبداياته قبل دخول الفن وللحديث عن عدد من المواقف الكوميدية التي تعرض لها في فترة طفولته، وعن علاقته بنجوم الوسط الفني وعائلته إلى جانب مشاريعه خلال الفترة المقبلة.
 

وعن علاقته بجده علق "هنيدي" قائلا: "أحمد عبد الجواد ده جدي رحمة الله عليه، أنا محمد هنيدي، أحمد انتقل عن عمر 102 عام وكان راجل ظريف جدًا الناس بتوع زمان الحلوة دي وكان ليه أحفاد كتير بس أنا علاقتي كانت خاصة بيه وكنت قاعد معاه على طول، 40 سنة بيحكيلي حكاية جواز أبويا وأمي 140 مرة وكل ما كنت أقعد معاه كان بيحكيلي وكل مرة كنت ببين له أني نفسي أسمعها".