إيناس الدغيدي تثير الجدل: الجمهور بيحب يشوف المشاهد الساخنة

قالت المخرجة إيناس الدغيدي إن النجوم الذى جسدوا المشاهد الساخنة هم الأكثر شهرة على الإطلاق، على عكس غيرهم من الفنانين.

وأضافت المخرجة إيناس الدغيدي في تصريحات تليفزيونية، معلقة: الجمهور بيحب يشوف اللي ميقدرش يعمله في الحياة، عشان كدا بيحبوا المشاهد الساخنة وبينتقدوا عشان الجمهور بطبيعته عنده انفصام فى الشخصية .

واستكملت إيناس الدغيدي، قائلة: ولما المشاهد دى بتتعرض فى السينما مش هنسمع رنة الأبرة لأن الجمهور بيكون مركز وبيعمل دوشة بعد ما بتخلص عشان عايزين يشوفوها تاني.

وعن فيلم مذكرات مراهقة ، قالت إيناس الدغيدي: أنا جبت هند صبري ممثلة كويسة في مذكرات مراهقة وعملت مشاهد جريئة وجايه من مجتمع جريء ومكنتش خايفة ودورها اتعرض على ممثلات كثير ورفضوه لكن هي فنانة قدرت الدور وإن في السن ده الدور ده مهم ولو واحدة جاية بس عشان تقلع ومعندهاش امكانيات فنية مش هاخدها".