" كلمته عن مشكلته مع أمبر هيرد".. ياسمين صبري تكشف تفاصيل لقائها بجوني ديب

كشفت الفنانة ياسمين صبري، تفاصيل لقائها بالنجم العالمي جوني ديب، خلال حفل افتتاح مهرجان البحر الأحمر السينمائي في جدة، بالمملكة العربية السعودية.

 ياسمين صبري تكشف تفاصيل لقائها بجوني ديب

وقالت خلال لقائها مع برنامج "أراب وود": جوني ديب لذيذ أوي ومتواضع جدا، قعدت أكلمه عن المشكلة بتاعته مع أمبر هيرد وقولتله إحنا بنحبك جدا وإن الحقيقة بتوصل من القلب".

وتابعت:" ومش أنا بس لك ملايين من الناس وإنه أيقونة، قبل ما يكون ممثل كإنسان لإن الناس ساعات بتتظلم إنها مش بشر إنها الحاجة المشهورة دي بس فكنت بكلمه عليه كإنسان وأنا اللي كنت بتكلم أكتر وقولتله أنا فاهمة هو مر بإيه وكأنه كابوس وصحي منه".

ياسمين صبري: نفسي ابقى شعبية وأوصل للفلاحين

وكانت قد كشفت الفنانة ياسمين صبري، عن الدور الذي تتمنى تقديمه خلال مشوارها الفني، وذلك خلال حلولها ضيفة على جلسة حوارية ضمن فعاليات مهرجان البحر الأحمر السينمائي الدولي مساء أمس.

وقالت ياسمين صبري:"الحاجات اللي بتتعرض عليا A Class مملة بالنسبة لي، لكني نفسي أعمل شعبي، والمنتجين يشوفوني في الحتة دي وحتى لو ما شافونيش فأنا برضه هعملها".

وأشارت:"في ناس في الدلتا والفلاحين والصعيد، ما ينفعش أقول لهم علشان تشترك ادخل على كذا وادفع بالفيزا كارت، أنا عاوزة الجمهور ده عنده تليفزيون، عاوزة أروح له ومش عاوزة أصعبها عليه".