خيري رمضان: اللي بيلعب مع مزاج المصريين يبقى بيلعب في عداد عمره

حرص الإعلامي خيري رمضان، بالتعليق على  الارتفاع غير المسبوق لأسعار السكر والشاي المحلي، وذلك بعد حملات المقاطعة التي أطلقها المصريون للمنتجات الداعمة للاحتلال الإسرائيلي.

وقال الإعلامي خيري رمضان، خلال تقديم برنامجه "حديث القاهرة" المذاع على فضائية "القاهرة والناس" :"اللي بيلعب مع مزاج المصريين يبقى بيلعب في عداد عمره".

مزاج المصريين أمن قومي 
 

وتابع: "كوباية الشاي الكشري ارتفع سعرها بصورة كبيرة والمقاطعة اللي تمت لشاي مستورد رغم إني ضد المقاطعة لشركات تعطي دخل لمصر وتدفع ضرائب، ولكن أنا مع المقاطعة لشركات أجنبية".

وأضاف "فالشاي المحلي زاد بنسبة كبيرة ووصل إلى 2340 جنيه بعدما كان 2076 جنيه يعني كل حاجة بقت غالية الشاي والسكر بقى بـ50 جنيه علشان احتكار رغم أن إحنا اللي بننتجه".

خيري رمضان عن ارتفاع أسعار الشاي والسكر
 

واستطرد "ولكن التجار اللي بيحتكروا هذا دور وزارة التموين فين يا وزارة التموين، والدكتور محمد مصليحي فيه ناس بيلعبوا في مزاج المصريين ويعكننوا عليهم دول مكانهم السجن".

وأردف "لآن مزاج المصريين أمن قومي والمصري صاحب مزاج والمزاج بيجيب نكتة والنكتة بتجيب ضحكة والضحكة بتفرج الهم والغم اللي حاصل بسبب الظروف الاقتصادية فتيجي تعكنن عليا بسبب معلقتين سكر وكوباية شاي".