جواه خير كتير.. إمام مسجد يروي تفاصيل صداقته بـ محمد سلام بعد أزمته الأخيرة

تصدر الفنان محمد سلام مؤشرات البحث جوجل، وترند مواقع التواصل الاجتماعي، فيسبوك، خلال الأيام الماضية، وذلك بعد أزمته مع الفنان بيومي فؤاد.

ووسط الأحداث الجارية من اشتعال الازمة بين بيومي فؤاد ومحمد سلام"،  نشر القارئ محمد السمرجي، عبر صفحته الشخصية على فيسبوك، جانب من علاقته بالفنان محمد سلام.

 إمام مسجد يروي تفاصيل صداقته بـ محمد سلام 

 وكشف القارئ محمد السمرجي كواليس علاقته بـ«سلام»، والتي بدأت منذ 4 سنوات، من خلال بوست عبر جسابه الرسمي بموقع التواصل الاجتماعي “فيسبوك”.

وكتب المقرئ: «اتعرفت على محمد في بداية 2019 تقريبًا، ولفت نظري مداومته على الصلاة، محبته للجلوس في المسجد للشروق وقبل صلاة المغرب. وأوقات تانية كتير، لا يترك المسجد إلا لو كنا هنغلقه، وده بالنسبة لي كان غريب إن في حد في المجال ده بيحاول يقرب من ربنا بالطريقة دي. فعرفت إن محمد سلام جواه خير كتير جدًا ومن هنا بدأت علاقتنا تزيد».

محمد سلام.. سباق للخير 

وتابع: «أيام غلق المساجد لقيته بيكلمني، اتصال في شهر رمضان وبيقول لي إنت فين علشان عايزين نصلي التراويح؟ فقلت له إن المساجد مقفولة. فقال لي هنصلي في البيت. وفعلاً صلينا التراويح والتهجد عنده، وده بين لي أد إيه سلام متعلق بالصلاة والقرآن».

وأضاف «لقيته في مرة جايب بنته وكان الجو بارد جدا في صلاة الفجر. وقال يا شيخ محمد عايزها تتعود على الصلاة».

واستكمل : «لما كنا نتكلم مع بعض في حاجة دينية كان بيبقى مهتم جدا بالكلام وكأنه عنده فيه امتحان».

واختتم: «ومواقف تانية كتير خلتني أعرف إن سلام مختلف عن البقية. ولذلك لم أستغرب موقفه الأخير، لأن ده سلام اللي المقربين منه يعرفونه جيدا. أدام الله صداقتنا يا صديقي».