بعد خناقة الجنسية الكويتية.. أنغام تتجاهل مي العيدان وتُروّج لـ "إكس فاكتور"

اشتعلت أزمة بين الفنانة أنغام والمذيعة الكويتية مي العيدان، وذلك بعد أن قدمت الفنانة أنغام نجلها عبدالرحمن لجمهورها في حفلها المقام حاليا الكويت.

وقدمت أنغام نجلها للجمهور قائلة: «عبدالرحمن فهد الشلبي، كويتي الجنسية، كان لازم يعني ييجي يزور بلده، شوفتوا القمر الكويتي ده، مبروك عليكم وعلي، ويتربى في عزكم».

وتابعت: «علموه اللهجة لازم يتكلم كويتي، ودي مسؤوليتكم بقى، هسيبهولكم وانتوا اتصرفوا معاه».

مي العيدان تهاجم أنغام

لتفتح المذيعة، مي العيدان، النار على أنغام، قائلة: "طب يا ست أنغام متشكرين على التريند اللي عملتيه بابنك عبدالرحمن باشا فهد الشليبي؛ لإن الصراحة عمل ترند أكثر من حفلتك عشان تعرفينا سيادتك إن انتي بتحبينا وعندنا ابن كويتي من حضرتك، طبعا كويتي بالاسم والعصب فقط والتبعية لكن هو مش عارف يتكلم كويتي نهائيا طبعا".

وأضافت:"أول مرة يدخل الكويت مع حضرتك النهارة لحسبة تجارية وسياسية بحتة، الولد عمره ١٧ سنة و١٠ شهور حيستلم قريبا الجنسية الكويتية خلال أيام ودي جنسية كاملة الدسم، جنسية تشر فلوس ومع تعويم الجنسية تحويل الدينار بقى جامد، ثانيا لو كان هامك الأمور الإنسانية كنت جيتي ربيتي الولد بالكويت بين أهله ولما طلع لك على المسرح يلبس لبس بلده الدشداشة والغترة والعقال، لإن الحفلة هي في بلده وبيته مش طالع بدلة".

وأكملت:"وحكاية اعتبره احنا نعلمه الكويتي على يكبر يا حبيبتي التعليم بالصغر كالنقش على الحجر، عايزة بعد بقى ١٨ نعلمه اللي ما اتعلموش بصغره دي مسئولية الأم يا باشا أنا أمي مصر وأبويا دكتور كويتي، كانت تجبرنا نتكلم كويتي تقول دي لهجة بلدكم وأهلكم لازم تعرفوا ولا جايبينه لا يعرف لا يتكلم كويتي ولا يعرض تاريخ الأرض اللي يحمل جنسيتها وحكامها وكفاحهم، عشان يحافظهم عليها بالدم ولا بالجاهز أخذ الجنسية وكويتي واشلون يطلع لي قد إيه مكاسب وحقوق وهو قاعد بمصر طول السنة، وبيتكم مصر طبعا ماكنتش فاضية تعلميه كويتي وتاريخ بلده لان كنتي مشغولة بالجوازات أحمد عز وأحمد إبراهيم مع انك باللهجة الخليجية زي البربنط بس انت شكلك ماخذة الخليجي كلهجة سبوبة مش نظام بحبكم، كله شغل تقبضي وتخلعي على مصر".

أنغام تتجاهل الرد على مي العيدان

ومن جانبها، تجاهلت الفنانة المصرية أنغام الرد، وبدأت حملتها الترويجية للموسم الجديد من برنامج اكتشاف المواهب "ذا إكس فاكتور" الذي ستنطلق أولى حلقاته يوم الاثنين المقبل، على "تلفزيون دبي".